Crime: संभाजीनगर हादरले! रॅप साँग गाण्यावरून कडाक्याचे भांडण, १० जणांनी धारदार शस्त्राने वार करत तरुणाला संपवलं

• संभाजीनगरमध्ये रॅप साँगवरून तरुणाची हत्या

• दारूच्या नशेत वादातून तरुणावर जीवघेणा हल्ला

• वेदांतनगर पोलिसांनी 12 आरोपींना अटक

• या घटनेमुळे संभाजीनगर हादरले

माधव सावरगावे, संभाजीनगर

छत्रपती संभाजीनगरमध्ये हत्याकांडाची भयंकर घटना घडली. रॅप साँग गाण्यावरून झालेल्या वादातून १० जणांनी तरुणाचा जीव घेतला. या भरस्त्यात तरुणाला बेदम मारहाण करत आणि जीवघेणा हल्ला करत हत्या करण्यात आली. या घटनेमुळे संभाजीनगर हादरले. या घटनेमुळे परिसरात खळबळ उडाली असून पोलिस सध्या तपास करत आहेत. पोलिस सीसीटीव्ही फुटेजच्या आधारे १२ जणांना अटक केली.

मिळालेल्या माहितीनुसार, छत्रपती संभाजीनगरमध्ये रॅप साँग गाण्यावरून एका मित्राच्या टोळक्याने तरुणाची हत्या केल्याची घटना घडली. मित्रांसोबत दारू प्यायला बसल्यावर रॅप साँग कोण चांगले गातो या किरकोळ कारणावरून वाद सुरू झाला. बघता-बघता प्रकरण हाणामारीपर्यंत गेले. ३ विरुद्ध १० अशी दोन गटात मारामारी सुरु झाली. खोलीतील भांडण काही क्षणात रस्त्यावर गेले. भरपावसात तरुणांच्या गटांमध्ये फ्रिस्टाइल हाणामारी झाली.

यादरम्यान १० जणांच्या गटाने तिघांच्या गटातील २० वर्षीय तरुणावर जीवघेणा हल्ला करत त्यांची निघृण हत्या केली. या हल्ल्यात शेखर ऊर्फ पिया देविदास लहाने याचा मृत्यू झाला. रेल्वे स्टेशन परिसरातील राजनगर भागात रात्री हा रक्तरंजित थरार घडला. या प्रकरणी वेदांतनगर ठाण्यात परस्परविरोधी गुन्हे दाखल करण्यात आले असून पोलिसांनी १२ आरोपींना अटक केली आहे.

छत्रपती संभाजी नगर शहरात रात्रीच्या वेळी नशेतून होणाऱ्या गुन्हेगारीत चिंताजनक वाढ झाली आहे. अवघ्या महिनाभरात दारूच्या नशेतून झालेली ही दुसरी हत्याकांडाची घटना आहे. यापूर्वी ३१ मेच्या रात्री सिडको भागात एकाची हत्या करण्यात आली होती. या हल्ले, हत्याच्या घटनामुळे संभाजीनगरमधील नागरिकांमध्ये भीतीचे वातावरण आहे. आरोपींविरोधात कठोर कारवाईची मागणी नागरिकांकडून केली जात आहे.