Crime News : स्पर्धा परीक्षेची तयारी करणाऱ्या २५ वर्षीय तरुणीवर बलात्कार; सोशल मीडियावर मैत्री करणं पडली महागात

Rajsthan Sikar Girl Rape News : राजस्थानच्या सीकरमधून धक्कादायक घटना समोर आली आहे. स्पर्धा परीक्षेची तयारी करणाऱ्या एका २५ वर्षीय तरुणीवर बलात्कार करण्यात आला. सोशल मीडियावर झालेल्या ओळखीतून एका तरुणाने लग्नाचे आमिष दाखवत या तरुणीवर अत्याचार केले. या प्रकरणी आता पोलीस ठाण्यात तक्रार दाखल करण्यात आली आहे. पोलीस या घटनेचा सखोल तपास करत आहेत.

मिळालेल्या माहितीनुसार, पीडित मुलगी स्पर्धा परीक्षांची तयारी करण्यासाठी राजस्थानमधील सीकर येथे आली होती. यादरम्यान सोशल मीडियावर तिची ओळख एका तरुणाशी झाली. त्या दोघांमध्ये दररोज संवाद व्हायचा. त्यांची चांगली मैत्री झाली होती. कालांतराने दोघेही एकमेकांच्या प्रेमात पडले.

याचाच फायदा घेत तरुणाने वारंवार शारीरिक संबंध ठेवत तिच्यावर बलात्कार केला. पीडितेने तरुणाकडे लग्न करण्यासाठी तगादा लावला होता, मात्र आरोपीने लग्न करण्यास नकार दिला. तरीही तरुणीने न थांबता आरोपीकडे लग्नाची मागणी केली. आरोपीने पीडितेला बदनामी आणि जीवे मारण्याची धमकी दिली.

आपल्या जीवाला धोका आहे, आपली फसवणूक झाली असल्याचे समजताच तिने पोलीस ठाणे गाठले. सदर तरुणाविरोधात पोलीस ठाण्यात तक्रार दाखल केली. पोलीस या प्रकरणाचा सखोल तपास करत आहेत.