Raigad Shocking News: नववर्षाच्या आधी पोलिसांची मोठी कारवाई; रायगडमध्ये 1500 किलो स्फोटकांचा साठा जप्त

सचिन कदम, रायगड

Raigad News:

वर्षातील शेवटचा आठवडा आणि नाताळची सुटी लागून आल्याने कोकणात पर्यटकांची झुंबड कोकणात पाहायला मिळत आहे. रायगडमध्येही ही पर्यटकांची गर्दी पाहायला मिळत आहे. रायगडमधील विविध भागात अनेक व्यावसायिकांनी नववर्षांची तयारी सुरु केली आहे. या नववर्षाच्या आधीच रायगडमधील माणगाव पोलिसांनी मोठी कारवाई केली आहे. पोलिसांनी अनधिकृतपणे स्फोटकांची वाहतूक करणाऱ्या टेम्पोमधून 1500 किलो जिवंत जिलेटीन आणि 70 किलो डेटोनेटर हस्तगत केले आहेत. (Latest Marathi News)

पोलिसांकडून जिवंत जिलेटीन 70 किलो डेटोनेटर हस्तगत

मिळालेल्या माहितीनुसार, रायगड जिल्ह्यातील माणगावमध्ये मोठ्या प्रमाणात स्पोटके जप्त करण्यात आले आहेत. माणगाव पोलिसांनी धडक कारवाई केली आहे. अनधिकृतपणे स्फोटकांची वाहतूक करणाऱ्या टेम्पोमधून 1500 किलो जिवंत जिलेटीन आणि 70 किलो डेटोनेटर हस्तगत करण्यास पोलिसांनी यश आलं आहे.

पोलिसांनी या कारवाईत स्फोटकांसह तीन जणांना अटक केली आहे. या प्रकरणात आणखी काही जणांना अटक होण्याची शक्यता आहे. स्फोटके पुण्यातून रायगड जिल्ह्यात आणताना माणगाव पोलिसांनी ही कारवाई केली आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नववर्षाच्या पार्श्वभूमीवर पोलीस यंत्रणा सतर्क

नववर्षाच्या पार्श्वभूमीवर पर्यटकांची पहिली पसंती रायगडला मिळाल्याचे दिसून येत आहे. दक्षिण रायगडमधील श्रीवर्धन पर्यटकांनी गजबजलं आहे. रायगडमधील सर्वच समुद्र किनाऱ्यांवर पर्यटकांची गर्दी पाहायला मिळत आहे.

नाताळ आणि नववर्षाच्या पार्श्वभूमीवर हॉटेल, लॉज, गेस्ट हाऊस, समुद्र किनारा हाऊसफुल झाले आहेत. यामुळे रायगडमधील पोलीस यंत्रणा सतर्क झाल्याचे सांगण्यात येत आहे.