Pune Crime : पोलीस कर्मचाऱ्यांनीच पोलीस ठाण्यात टाकला दरोडा, लोणी काळभोरमधील कर्मचाऱ्यांचा प्रताप
अक्षय बडवे ,पुणे
Police Personnel Help To Thief :
लोणी काळभोर पोलीस ठाण्यात धक्कादायक प्रकार समोर आलाय. येथे कार्यरत असलेल्या पोलिासंनीच दुचाकी चोरण्यास चोराला मदत केल्याची बाब समोर आलीय. एका बाईक चोरी करणाऱ्या चोराला चोरीची दुचाकी बाजारात विकण्यास सांगत असल्याची बाब उजेडात आलीय. याप्रकरणी ४ पोलीस कर्मचाऱ्यांचे निलंबन करण्यात आले आहे. (Latest News)
दयानंद गायकवाड, संतोष आंदुरे, तुकाराम पांढरे, राजेश दराडे, असे पोलीस कर्मचाऱ्यांची नावे आहेत. मिळालेल्या माहितीनुसार, लोणी काळभोर पोलीस ठाण्यात दुचाकी चोरीचा गुन्हा दाखल यात पोलिसांनी एका आरोपीला अटक केली. या आरोपीकडून चौकशी केली असता धक्कादायक माहिती समोर आली. या आरोपीने लोणी काळभोर पोलीस ठाण्यात कार्यरत असणाऱ्या कर्माचाऱ्यांनीच काही दुचाकी परस्पर विकायला सांगितले, अशी कबुली या आरोपीने दिली तसचं या गाड्या स्क्रॅपच्या असल्याचे सांगत पोलीस कर्मचाऱ्यांनी या आरोपीला त्या बाजारात विकण्यास सांगितले.
स्वत:च्या आर्थिक फायद्यासाठी आणि लाभासाठी या पोलीस कर्मचाऱ्यांनी आरोपीला हे कृत्य करण्यास भाग पाडले. वेळोवेळी या पोलीस कर्मचाऱ्यांना चौकशी साठी बोलावले होते मात्र त्यांनी उपस्थिती लावली नाही, परिणामी कर्तव्यात कसूरी केल्याप्रकरणी या कर्मचाऱ्यांचे निलंबन करण्यात आले आहे. काल या ४ पोलीस कर्मचाऱ्यांच्या निलंबनाची ऑर्डर पोलीस उपायुक्त यांनी जाहीर केली
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.