अक्षय बडवे| पुणे, ता. ४ ऑगस्ट २०२४
हॉटेलमध्ये राहत असलेल्या जोडप्याला पोलीस कर्मचाऱ्यानेच ब्लॅकमेल केल्याचा, धमकावल्याचा धक्कादायक प्रकार समोर आला आहे. संदिप वसंत शिंदे असे या पोलीस कर्मचाऱ्याचे नाव असून याप्रकरणी तक्रार दाखल केल्यानंतर पोलीस कर्मचाऱ्याचे निलंबन करण्यात आले आहे.
याबाबत सविस्तर माहिती अशी की, पुण्यात हॉटेलमध्ये राहणाऱ्या जोडप्याला पोलीस कर्मचाऱ्याने ब्लॅकमेल केल्याचा प्रकार उघडकीस आला आहे. संदिप वसंत शिंदे असे या पोलीस कर्मचाऱ्याचे नाव आहे. या प्रकरणी एका तरुणाने कोरेगाव पोलिस ठाण्यात फिर्याद दिली होती. ज्यानंतर धमकी देणाऱ्या पोलीस कर्मचाऱ्याचे निलंबन करण्यात आले आहे.
तरुणाने दिलेल्या फिर्यादीनुसार, हा सगळा प्रकार १९ जुलैपासून घडला. पुण्यातील उच्चभ्रू भाग म्हणून असलेल्या कोरेगाव पार्क लेन नंबर 5 मध्ये असलेल्या एका हॉटेलमध्ये एक जोडपे राहण्यासाठी आले होते. हॉटेलमध्ये रूम बुकिंगसाठी त्यांनी काही कागदपत्रे दिली होती. ही कागदपत्रे संदिप शिंदे या पोलीस कर्मचाऱ्याने हॉटेल मॅनेजरकडून घेतली.
त्यानंतर त्याने संबंधित व्यक्तीस फोन आणि एसएमएस करून ब्लॅकमेल करायला सुरुवात केली. या ब्लॅकमेलिंगनंतर पिडीत तरुणाने कोरेगाव पार्क पोलीस ठाण्यामध्ये तक्रार दाखल केली. या प्रकरणाची गंभीर दखल घेत पोलीस उपयुक्त स्मार्तना पाटील यांनी कोरेगाव पोलिस ठाण्यातील पोलीस कर्मचारी संदिप शिंदे याचे निलंबन केले आहे. याबाबत अधिक तपास सुरू आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.