- रामनाथ ढाकणे
मेडिकलला असतानाच डॉ. सतीश सोनवणेने याने गर्भपाताचे कारनामे सुरू केले होते अशी धक्कादायक माहिती साेनवणे याला अटक केल्यानंतर समाेर आली आहे. दरम्यान गर्भलिंग निदानासाठी युवतीला (आराेपी साक्षी थाेरात) महिन्याकाठी 4 लाख रुपये दिले जात हाेते देखील आता उघड झाले आहे. साेनवणे यास न्यायालयाने दोन दिवसांची कोठडी सुनावली आहे.
छत्रपती संभाजीनगर जिल्ह्याला हादरवून सोडणाऱ्या अवैध गर्भलिंग निदान व गर्भपात प्रकरणातील मास्टरमाइंड असलेला डॉ. सतीश सोनवणे हा एमबीबीएसच्या तिसऱ्या वर्षाला शिकत असतानाच गर्भपात प्रकरणात अडकला. त्यानंतर त्याने शिक्षण सोडून अवैध गर्भपाताचे रॅकेट सुरू करून गोरख धंदा सुरू केला. अवैध गर्भलिंग निदान आणि गर्भपात प्रकरणात त्याला अटक केल्यानंतर तो डॉक्टर नसल्याची धक्कादायक माहिती आता समोर आली आहे.
या प्रकरणातील दुसरा मुख्य आरोपी एजंट सतीश किसनराव टेहरे हा संभाजीनगर शहरातील नामांकित स्त्री रोग तज्ञांच्या रुग्णालयात जनसंपर्क अधिकारी म्हणून काम करायचा.त्याच दरम्यान साक्षी थोरातला गर्भलिंग चाचणी करण्याचे टेहरेने शिकवले आणि सोनोग्राफी करून मुलगी असल्याचे सांगायचे.
तो साक्षीला महिन्याकाठी 4 लाख रुपये देत असल्याचही पोलिस तपासात समोर आले आहे.. दरम्यान या संपूर्ण प्रकरणात पोलिसांनी 14 आरोपी निष्पन्न केले आहेत. त्यातील 11 जणांना अटक केली आहे. त्यात एक अल्पवयीन आहे. या प्रकरणातील भोकरदन मधील बोगस डॉक्टर बालाजी तळेकर आणि काकासाहेब खेकाळे या दाेघांचा शाेध सुरु असल्याची माहिती पाेलिसांनी दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.