Dehradun Loot Video: पोलीस राष्ट्रपतींच्या सुरक्षेत व्यस्त; दरोडेखोरांनी डाव साधला; ज्वेलरी शॉप लुटले, CCTV फुटेज व्हायरल

Dehradun Loot Video:

उत्तराखंडची राजधानी देहरादूनमध्ये आज स्थापना दिवस साजरा केला जातोय. या कार्यक्रमासाठी राष्ट्रपती द्रौपदी मुर्मू ह्या देहरादूनला आल्या आहेत. त्यांच्या सुरक्षेसाठी पोलीस तैनात करण्यात आलेत. याचा फायदा घेत ५ दरोडेखोरांनी शहरातील ज्वेलरी शॉपमध्ये दरोडा टाकला आणि कोट्यवधी रुपयांचे दागिने लंपास केले. (Latest News)

हा दरोडा देहराडून येथील राजपूर रस्त्यावरील रिलायंस ज्वेलरी शॉपमध्ये पडला. बंदुकीचा धाक दाखवत दरोडेखोरांनी कोट्यवधी रुपयांचे दागिने लूटले आहे. दरम्यान पोलीस घटनास्थळी पोहोचून या चोरट्यांचा तपास करत आहेत. पाच चोरट्यांच्या या टोळीने आधी ज्वेलर्समध्ये रेकी केली आणि नंतर हेल्मेट आणि मास्क घालून ज्वेलर्सच्या दुकानात प्रवेश केला. चोरट्यांनी दुकानातील १८ कर्मचाऱ्यांना ओलीस ठेवत त्यांना एका खोलीत बंद केले. त्यानंतर दुकानातील सर्व दागिने साफ केले.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शहरात राष्ट्रपती मुर्मू ह्याचा कार्यक्रम होता. सर्व पोलिसांची ड्युटी तिकडे लावण्यात आली होती. सर्व पोलीस ड्युटीवर असल्याचं संधी साधत दरोडेखोरांनी शॉप लुटलं. बंदुकीच्या जोरावर ही घटना घडल्यानंतर हल्लेखोरांनी दुकानात लावलेल्या सीसीटीव्ही फुटेजचा डीव्हीआर (रेकॉर्डर) काढून घेतला.

पोलीस घटनास्थळी पोहोचले असून घटनेचा बारकाईने तपास करत असल्याचं एसपी सिटी सरिता डोबल यांनी सांगितले. या चोरीच्या घटनेमुळे शहरातील सुरक्षा व्यवस्थेचा प्रश्न ऐरणीवर आलाय. पोलिसांसमोर या चोरांना पकडणं आव्हान बनलंय. मात्र हे चोर लवकरच गजाआड असतील, असं पोलिसांकडून सांगण्यात येत आहे.