Crime News: पिंपरी चिंचवडमध्ये गावगुंडांची दहशत; वाईन शॉप चालकावर कोयत्याने हल्ला

(गोपाल मोटघरे, पुणे)

Pimpri Chinchwad Goons Attacked Wine Shopkeeper:

चिंचवड गावातील पूजा वाईन्स या ठिकाणी काही वेळापूर्वी ही धक्कादायक घटना घडली आहे. या धक्कादायक घटनेची दृश्य सीसीटीव्ही कॅमेरामध्ये देखील कैद झाली आहेत. वाईन शॉपमध्ये बिल घेण्याच्या वादातून स्थानिक गावगुंड आणि वाईन शॉप चालकांमध्ये वादावादी झाली. याच वादातून गावगुंडांच्या टोळक्याने सुरुवातीला वाईन शॉप चालकावर तसेच वाईन शॉपमधील कामगारांवर लाथाबुक्याने मारहाण करून दगडाने हल्ला केला. (Latest News)

त्यानंतर एका गावगुंडाने त्या ठिकाणी येऊन कोयत्याने वाईन शॉप चालक आणि वाईन शॉपच्या कामगारांवर हल्ला केला. या घटनेची दृश्य सीसीटीव्ही कॅमेरात कैद झाली असून वाईन शॉप चालकाच्या फिर्यादीवरून चिंचवड पोलीस स्टेशनमध्ये स्थानिक गावगुंडाविरोधात गुन्हा दाखल करण्याचे काम चिंचवड पोलीस करत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गेल्या काही दिवसांपूर्वी चिखली गावात भरदिवसा एका तरुणावर गोळीबार करण्यात आला. सोन्या तापकीर असे मृत तरुणाचे नाव होतं. चिखली गाव येथे बस स्टॉपच्या जवळ रहदारीची ठिकाणी सोन्या तापकीर याच्यावर अज्ञातांनी गोळ्या झाडल्या. यात सोन्या गंभीर जखमी झाला होता. त्यानंतर त्याला उपचारासाठी रुग्णालयात दाखल करणयात आले. मात्र डॉक्टरांनी त्याला मृत घोषित केले. मावळ तालुक्यातील एका उद्योजकाची हत्या करण्यात होती.