Nashik Crime: नाशिक जिल्हा....; पुस्तकांऐवजी बॅगेत कोयता अन् चॉपर, महाविद्यालीन विद्यार्थ्यांमध्ये भाईगिरीचे फॅड

पुण्यानंतर नाशिकमध्ये भाईगिरी आणि गुंडगिरी वाढलीय. सोशल मीडियावर रिल बनवून भाईगिरीचे व्हिडिओ बनवत आहेत. नाशिक जिल्हा म्हणजे गुन्हेगारीचा बालेकिल्ला अस म्हणत सोशल मीडियावर रिल बनवण्यावऱ्या मुलींवर कारवाई केल्यानंतर आता एक धक्कादायक बाब समोर आलीय.

एका विद्यार्थ्यांच्या बँगेतच कोयता, चॉपर असल्याचा धक्कादायक प्रकार गंगापूर रोडवरील मॅरेथॉन चौकाजवळ घडकीस आलाय.त्यामुळे आता शाळेतील मुलांमध्येही भाईगिरीचं फॅड शिरले आहे, का असा प्रश्न निर्माण होतोय. पोलिसांनी गंगापूर रोडवरील मॅरेथॉन चौकाजवळच्या उड्डाणपुलाखाली संशयित दोन विद्यार्थ्यांच्या पाठीवरील 'बॅग'ची तपासणी केली. त्यावेळी त्यांच्या दप्तरमध्ये चॉपर, कोयता सापडला.

याप्रकरणी पोलिसांनी गुन्हा दाखल करून एका १८ वर्षीय विद्यार्थ्याला ताब्यात घेतलंय. दुसऱ्या विधीसंघर्षित बालकाची बाल सुधारगृहात रवानगी करण्यात आलीय. टागोरनगरमध्ये राहणाऱ्या एका विद्यार्थ्याच्या पाठीवर असलेल्या बॅगमध्ये शंभर रुपयांचा चॉपर मिळून आलाय तर दुसऱ्या एका मुलाच्या बॅगेत कोयता आढळून आलाय. गस्तीवर असलेल्या पोलिसांनी याबाबत दोघांना विचारणा केली. त्यावेळी 'हे शस्त्र आमचे नसून मित्रांनी आमच्याकडे ठेवायला दिले असं उत्तर दिलं आहे.

पोलिसांनी दोघांना ताब्यात घेत सरकारवाडा पोलीस ठाण्यात आणलं. या दोघांची चौकशी केल्यानंतर त्यांच्या पालकांना बोलावून त्यांना याबाबत माहिती देण्यात आली. दोघांनाही नोटीस बजावण्यात आली आहे. गुन्हेगारांना धडा शिकविण्यासाठी शहर पोलिसांनी राजकीय गुन्हेगारांना बेड्या ठोकल्या आहेत.

महिला रील स्टारची गुन्हेगारी भाषा

देवळाली पोलिसांनी गुन्हेगारीची भाषा करणाऱ्या तरुणींना खाकीचा प्रसाद दिला. नाशिकच्या 2 तरुणींनी रामकुंड परिसरात गुन्हेगारीची भाषा करणारी रील्स शूट केले होते. पोलिसांनी भाईगिरी करणाऱ्या तरुणींचा शोध घेत पोलिसी खाक्या दाखवला आणि अवघ्या 2 मिनिटात तरुणींची भाईगिरी बाहेर काढली.