Nashik Crime : नाशिक पुन्हा हादरलं! पंचवटी परिसरात मध्यरात्रीच्या सुमारास तरूणाची हत्या, डोक्यात दगड घातला

तबरेज शेख, साम टीव्ही नाशिक

नाशिकमध्ये पुन्हा एका तरूणाची हत्या झाल्याची घटना समोर आलीय. सोमवारी रात्री १२ वाजेच्या सुमारास ही घटना घडली. पंचवटी कारंजा परिसरात ही घटना घडल्याचं समोर आलंय. डोक्यात दगड घालून युवकाची हत्या करण्यात आलीय. पोलीस चौकीपासून हाकेच्या अंतरावर घटना घडली आहे. सणासुदीच्या काळात घडलेल्या या घटनेमुळे परिसरात भीतीचं वातावरण आहे.

नाशिकमध्ये पुन्हा एका तरूणाची हत्या

पंचवटी करंज्या परिसरात रात्री बारा वाजता एका युवकाचा खून (Nashik Crime News) झालाय. खूनाच्या घटनेनं नाशिक पुन्हा एकदा हादरलं. पहाटे तीन वाजेच्या सुमारास या तरूणाला जिल्हा रूग्णालयात घेवून गेले होते. परंतु डॉक्टरांनी तपासून त्याला मृत घोषित केलंय. ऐन गणेश उत्सवाच्या काळात खून झाल्याने मोठी खळबळ उडाली आहे. मृत तरूणाचं नाव अतुल सूर्यवंशी असल्याचं समोर आलंय.

पूर्व वैमन्यासतुन हत्या झाल्याचा अंदाज

प्राथमिक तपासात पोलिसांनी अतुल सूर्यवंशी या तरुणाची पूर्व वैमन्यासतुन हत्या झाल्याची माहिती (crime news) दिलीय. घटनेनंतर पंचवटी पोलिसांनी घटनास्थळी धाव घेऊन पंचनामा करत खुणाचा गुन्हा दाखल केलाय. पोलीस मारेकऱ्यांचा शोध घेत आहेत. एका संशयिताला पोलिसांकडून अटक करण्यात आली आहे, तर दुसऱ्याचा शोध सुरू (nashik news) आहे. म्हसरूळ परिसरातील अतुल सूर्यवंशी नामक युवकाची रात्रीच्या सुमारास हत्या झालीय. डोक्यात पेव्हर ब्लॉक मारून ठार केल्याचं समोर आलंय.

कायदा आणि सुव्यवस्थेवर प्रश्नचिन्ह

पंचवटी कारंजा परिसरामध्ये घडलेला या धक्कादायक घटनेमुळे नाशिक शहरातील कायदा आणि सुव्यवस्था यावर प्रश्नचिन्ह निर्माण होत आहे. नाशिक शहरातील गुन्हेगारी घटनांचा आलेख वर चढतच चालला (Youth Killed In Panchvati) आहे. जुलै महिन्यात नाशिकमध्ये घरात घुसून एका १८ वर्षीय तरुणाची हत्या झाल्याची धक्कादायक घटना घडली होती. गंजमाळ परिसरातील पंचशीलनगर परिसरात ही घटना उघडकीस आली होती.