Nalasopara Crime News: व्हिडिओ रेकॉर्डिंगवरून वाद टोकाला,भडकलेल्या प्रवाशाने ट्रॅफिक हवालदाराचा दातच तोडला

Vasai News: नालासोपाऱ्यामधील तुळीज पोलीस ठाण्यात एका ट्रॅफिक पोलीस हवालदाराला मारहाण करण्याची घटना घडली आहे.
Nalasopara Crime News
Nalasopara Crime NewsSaam tv

नालासोपाऱ्यामधील तुळीज पोलीस ठाण्यात एका ट्रॅफिक (traffic )पोलीस हवालदाराला मारहाण करण्याची घटना घडली आहे. या झालेल्या मारहाणीत पोलिसाचा दात तुटला आहे. या घटनेनंतर पोलिसांनी संबंधित आरोपीवर गुन्हा दाखल केला आहे.

Nalasopara Crime News
Mumbai Crime News: सोशल मीडियावरील मैत्री पडली महाग; तरुणाकडून घरी बोलावून अल्पवयीन मुलीसोबत संतापजनक कृत्य, परिसरात खळबळ

टाईम्स ऑफ इंडियाच्या वृत्तानुसार, सर्व घटना नालासोपारा पूर्वेमधील एका उड्डाणापूलाजवळ सोमवरी २२ एप्रिल रोजी घडली. सोमवारी दुपारी दिडच्या सुमारास पोलीस हवालदार प्रवीण रानडे (वय३३) हे नालासोपारा (Nalasopara) पूर्वेच्या उड्डाणपूलाजवळ कर्तव्यावर होते.

त्याचवेळी संबंधित प्रवाशी शैलेश वाघेला (वय ३६) उड्डाणपूलावरुन ऑटो रिक्षामधून जाताना होता. मात्र तो रिक्षामधून जाताना रानडे यांचे मोबाईलमधून चित्रिकरण करतो. या गोष्टीचे कारण रानडे यांनी शैलेशला विचारले. मात्र शैलेशने पोलीस हवालदार रानडे यांना उद्धटपणे बोलत त्यांच्यावर शिवीगाळ केली. त्यामुळे रानडे यांनी शैलेशला पोलीस ठाण्यात नेले.

रानडे पोलीस हवालदार शैलेसला पोलीस ठाण्यात घेऊन गेले. त्यानंतर रानडे यांनी घडलेला सर्व प्रकार पोलीस ठाण्यात ऑन ड्युटीवर असलेल्या पोलीस अधिकाऱ्यांना सांगितला. मात्र रागात असलेल्या शैलेशने पुन्हा एकदा रानडे यांनी शिवीगाळ करत मारहाण केली. या पोलीस ठाण्यात शैलेशने रानडे यांना केलेल्या मारहाणीत रानडे यांच्या उजव्या बाजूचा दात तुटला.

पोलीस ठाण्यात अचानक झालेल्या या प्रकारामुळे अन्य पोलीस कर्मचाऱ्यांनी रानडे यांची शैलेशकडून सुटका केली परंतू या प्रकाराने पोलीस ठाण्यात मोठी खळबळ उडाली. सध्या आरोपी शैलेसला पोलिसांनी ताब्यात घेतले आहे.

त्यावर तुळीज पोलिसांनी सरकारी कामात अडथळा आणि मारहाण केल्याप्रकरणी आरोपी शैलेश वाघेला याच्यावर गुन्हा दाखल केला आहे. मात्र शैलेशने व्हिडीओ रेकॉर्ड करण्यामागील हेतू अद्याप अस्पष्ट आहे. पोलिसांनी त्याचा मोबाईल ताब्यात घेतला असून पुढील तपास सुरु केला आहे. या आधीही पोलीस ठाण्यातच पोलिसांवर हात उचलण्याच्या घटनांत वाढ होऊ लागली आहे.

Nalasopara Crime News
Mumbai Crime News: नात्याला काळिमा, घरातील एकट्या तरुणीवर पडली वाईट नजर; सावत्र आजोबाने केलं संतापजनक कृत्य

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com