Mumbai Crime News: सोशल मीडियावरील मैत्री पडली महाग; तरुणाकडून घरी बोलावून अल्पवयीन मुलीसोबत संतापजनक कृत्य, परिसरात खळबळ

मुंबईत एक धक्कादायक घटना घडली आहे. मुंबईत एका १५ वर्षीय अल्पवयीन मुलीवर बलात्कार आणि विनयभंग करण्यात आला आहे. याप्रकरणी पोलिसांनी २० वर्षीय तरुणाला अटक केली आहे. पोलिसांनी आरोपीसह त्याच्या चुलत भावालाही ताब्यात घेतले आहे.

पोलिसांनी दिलेल्या माहितीनुसार, अल्पवयीन मुलगी ही शाळेत जायची. काही आठवड्यांपूर्वी तिची २० वर्षीय आरोपीशी सोशल मीडिया अॅप स्नॅपचॅटवर भेट झाली. या अॅपवर त्या दोघांची मैत्री झाली. त्यानंतर या दोघांनी भेटण्याचा निर्णय घेतला.

१३ एप्रिलला आरोपीने पीडित मुलीला मुंबईत एका ठिकाणी बोलावले. आरोपीने तिला त्याच्या १६ वर्षीय चुलत भावाच्या घरी नेले. त्याच्या घरी कोणीच नसल्याने आरोपीने तिला तिथे नेले, असे पोलिसांनी सांगितले.

आरोपीने त्याच्या चुलत भावाच्या घरी नेऊन अल्पवयीन मुलीवर बलात्कार केल्याचा आरोप करण्यात आला आहे. तर तिथे उपस्थित आरोपीच्या भावाने पीडित मुलीचा विनयभंग केला, असेही पोलिसांनी सांगितले.

पीडित मुलीने हा संपूर्ण प्रकार तिच्या पालकांना सांगितला. पालकांनी याप्रकरणी पोलिस ठाण्यात धाव घेत तक्रार दाखल केला. याप्रकरणी मुलीने आपला जबाब नोंदवला असून आरोपी आणि त्याच्या चुलत भावाविरोधात आयपीसी आणि पॉक्सो कायद्याच्या कलमांअंतर्गत एफआयआर नोंदवण्यात आली आहे.

याप्रकरणी रविवारी आरोपीला अटक करण्यात आली आहे. तर अल्पवयीन मुलाला सुधारगृहात पाठवले जाईल, असे पोलिसांनी सांगितले.