Shocking : दोन रिक्षाचालकाचं हादरवणारं कृत्य; २० वर्षीय तरुणीला निर्जनस्थळी नेऊन केला सामूहिक बलात्कार

Madhya Pradesh Gwalior 20 years old Girl Gang Rape मध्य प्रदेशच्या ग्वालियरमध्ये एका २० वर्षीय तरुणीवर सामूहिक बलात्कार केल्याची धक्कादायक घटना घडली आहे. धक्कादायक म्हणजे या पीडित तरुणीचं रिक्षा चालवणाऱ्या तीन तरुणांनी आधी अपहरण केलं आणि त्यानंतर तिला निर्जनस्थळी नेऊन तिच्यावर अत्याचार केले. याप्रकरणी पोलीस ठाण्यात तक्रार दाखल केल्यानंतर पोलिसांनी घटनेचं गांभीर्य लक्षात घेत तिघांना अटक केली आहे.

मिळालेल्या माहितीनुसार, सदर घटना मध्य प्रदेशातील ग्वालियर येथील डाबरा देहात येथे घडली आहे. गुरुवारी पीडित तरुणी आपल्या मावशीकडे गेली असता रात्री १० वाजताच्या सुमारास टिक्की खाण्यास बाहेर पडली. ती जात असताना, ई-रिक्षा चालवणाऱ्या दोन तरुणांनी तिला थांबवले. तिचं तोंड जबरदस्तीने बांधून तिला रिक्षामध्ये बसण्यास भाग पाडलं.

त्यानंतर वाटेत २ आरोपींनी त्यांच्या एका मित्राला रिक्षात घेतले आणि रिक्षा अरु तिरहा जवळील एका कॉलेज कॅम्पसमध्ये थांबवली. या कॅम्पसमध्ये तिघांनी मिळून २० वर्षीय तरुणीवर एकापाठोपाठ एक आळीपाळीने लैंगिक शोषण केले. कोणालाही संशय येऊ नये म्हणून तरुणीला शुक्रवारी सकाळी तिच्या मावशीच्या घराखाली नेवून सोडले.

पीडितेने घरी जाऊन घडलेला प्रकार कुटुंबियांना सांगितला. पीडितेच्या कुटुंबीयांनी पोलिसांत धाव घेत आरोपींविरोधात गुन्हा दाखल केला. घटनेचं गांभीर्य लक्षात घेऊन पोलिसांनी तातडीने तपासाची चक्रे वेगाने फिरवत तिन्ही तरुणांना ताब्यात घेतले.