कल्याण छत्रपती शिवाजी महाराज चौकात एका मद्यधुंद तरुणाने पोलिसाशी हुज्जत घालत शिविगाळ केल्याचा धक्कादायक प्रकार घडला आहे. या प्रकरणी महात्मा फुले पोलीस ठाण्यात तक्रार दाखल करणार असल्याचे शिविगाळ करण्यात आलेल्या पोलीस कर्मचाऱ्यांने सांगितलं असून याचा व्हिडिओ मोबाईलमध्ये कैद झाला होता. तो सोशल मीडियावर व्हायरल करण्यात आला आहे.
संबंधीत पोलिसांने दिलेल्या माहितीनुसार, कल्याण छत्रपती शिवाजी महाराज चौकात दुचाकीवर ट्रिपल सीट जाणाऱ्या तरुणाला वाहतूक पोलिसांनी अडवलं . कागदपत्रांची तपासणी करत या तरुणाने मद्यप्राशन केल्याचं लक्षात आल्याने पोलिसांनी त्याची ब्रेथ एनलायझरने तपासणी सुरू केली . यावेळी या तरुणाने व त्याच्यासोबत आलेल्या दोन्ही महिलांनी वाहतूक पोलिसांसोबतच अरेरावीची भाषा करत शिवीगाळ केली ,पोलिसांशी हुज्जत घालायला लागले.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
याचा व्हिडिओ सोशल मीडियावर व्हायरल झालाय. वाहतूक पोलिसांनी या तरुणाविरोधात मद्यप्राशन करत गाडी चालवल्या प्रकरणी गुन्हा दाखल केलाय.तसेच या तरुणाविरोधात सरकारी कामात अडथळा आणल्या प्रकरणी तसेच उद्धट वर्तन केल्याप्रकरणी महात्मा फुले पोलीस ठाण्यात तक्रार दाखल करणार असल्याचे सांगितले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
