Bhandara Crime News : चिखला खाण परिसरात चाेरी करणारी टाेळी जेरबंद, गाेबरवाही पाेलिसांची कामगिरी

- शुभम देशमुख

Bhandara News :

मॉयल लिमिटेड चिखला (Chikhala) खाण परिसरात तब्बल ७४ हजारांचे साहित्य चोरून नेणाऱ्या तीन जणांच्या टोळीला गाेबरवाही पाेलिसांनी (gobarwahi police) मोठ्या शिताफीने पकडले. राहुल झोडे, यशवंत सोनवाणे व समीर शेख (सर्व राहणार. चिखला) अशी या चोरट्यांची नावे असल्याची माहिती पाेलिसांनी दिली. (Maharashtra News)

चिखला खाण परिसर मोठे असून चोरीच्या घटना घडत असतात. या परिसरातून ६० मीटर कॉपर केबल, ५ टन क्षमतेचे हैंगिंग चेन, हायड्रोलिक पंप, गाइड रेल शु फुटवाल, २४ नग फलांज, तीन केज चेन, नट बोल्ट, रोप रिकेपिंग बैंड, स्लिब व वाइंडर मशीन यासह अन्य साहित्य चोरी करून नेत असताना खाण येथील सुरक्षा रक्षक अधिकारी रामेश्वर बर्वे यांच्या निदर्शनास आले.

त्यांनी तत्काळ या घटनेची माहिती खाण प्रशासनाला दिली. तसेच क्षणाचाही विलंब न लावता गोबरवाही पोलिसांना माहिती देण्यात आली. गोबरवाही पोलिसांनी मोठ्या शिताफीने या तिघांनाही खाण परिसरात पकडले. त्यांच्याकडून मुद्देमाल जप्त केला. अधिक तपास गाेबरवाही पाेलिस करीत आहेत.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar