Crime News : IPS असल्याचे सांगून लोकांना चुना लावायच्या, पुण्यात मायलेकीचा भंडाफोड, नेमकं जाळ्यात अडकल्या कशा?

पुणे तिथे काय उणे? याचं पुण्यात चोरांचा सुळसुळाट वाढला आहे. आय पी एस मायलेकींनी एका चप्पल विक्रेत्याला हजारोंचा गंडा घातला आहे. धक्कदायक म्हणजे या दोघीही बनावट आय पी एस अधिकारी असल्याचं उघड झालं आहे. दागिने खरेदीच्या बहाण्याने बनावट आयपीएस अधिकारी असल्याचे भासवून चप्पल-बूट व दागिने लंपास करणाऱ्या या मायलेकींना पोलिसांनी जेरबंद केले आहे.

पोलिसांनी दिलेल्या माहितीनुसार, लष्कर पोलिस ठाण्यात एका चप्पल चे व्यावसायिक असलेल्या व्यक्तीने फिर्याद दिली होती. पुण्यातील महात्मा गांधी रोड परिसरात या व्यावसायिकाचे दुकान आहे. १३ सप्टेंबर रोजी संध्याकाळी २ महिला या तक्रारदार व्यावसायिकाच्या दुकानात आल्या.

या महिलांनी आपण आयपीएस अधिकारी असल्याचे सांगून बनावट ओळखपत्र दाखवले. त्यानंतर लग्नाचा कार्यक्रम असल्याचे सांगत मोठ्या प्रमाणावर चप्पल व बूट खरेदी करायला आलो असल्याचे सांगितले आणि संबंधित दुकानातील कामगाराला ‘पैसे घेण्यासाठी कमिशनर ऑफिसला चल’ असा रुबाब केला.

रुबाबात आलेल्या या मायलेकी मात्र, पैसे न देता तब्बल १७ हजारांचा माल घेऊन दोघी पसार झाल्या. या प्रकरणाचा तपास करत असताना पोलिसांनी परिसरातील सीसीटीव्ही फुटेज तपासले आणि या माय लेकींचा शोध घेतला. मूळच्या पुण्यातील कोंढवा भागातील असलेल्या या दोघींना पोलिसांनी अटक केली आहे. दरम्यान या दोघींना काय शिक्षा होणार ते पाहणं महत्त्वाचं ठरेल.