सांगलीमध्ये तरुणाची निर्घृण हत्या करण्यात आल्याची घटना घडली होती. या घटनेनंतर संशयिताच्या आईने गळफास लावून आयुष्य संपवलं. या घटनेमुळे सांगली हादरले आहे. या प्रकरणी सांगली पोलिसांनी दोघांना अटक केली आहे. पोलिसांकडून या प्रकरणाचा तपास सुरू आहे. आर्थिक वादातून ही घटना घडल्याची माहिती समोर आली आहे.
मिळालेल्या माहितीनुसार, सांगलीच्या कवठेमंकाळ तालुक्यातील कुकटोळी येथे एका तरुणाची पैशांच्या देवाण-घेवाणीतून हत्या करण्यात आल्याची घटना घडली. धक्कादायक बाब म्हणजे ज्या तरुणाने ही हत्या केली त्याच्या आईला मुलाच्या कृत्यामुळे मोठा धक्का बसला. या तरुणाच्या आईने गळफास लावून आत्महत्या केली. दरम्यान कवठेमंकाळ पोलिसांनी तरुणाच्या हत्येप्रकरणात दोन जणांना अटक केली.
कुकटोळी गावामध्ये पैशाच्या देवाण-घेवाण वादातून गावातील अजित क्षीरसागर या तरुणाची आरोपी सुशांत शेजुळ या तरुणाने डोक्यात दगड घालून हत्या केली. सदर हत्येची बातमी गावात पसरली. संशयित तरुण सुशांत शेजुळ याची आई विमल शेजुळ यांना आपल्या मुलाने हत्या केल्याची बातमी समजली. गावातील नागरिकांनी घटनास्थळावर मोठी गर्दी. या हत्येची गावभर जोरदार चर्चा झाली.
आपल्या मुलाने हत्या केल्याच्या धक्क्यातून आरोपीची आई विमल शेजुळ राहत्या घरात गळफास घेऊन आत्महत्या केल्याचा प्रकार घडला. या दोन्ही घटनांमुळे सांगलीमध्ये खळबळ उडाली आहे. या दोन्ही घटनेची नोंद कवठेमंकाळ पोलिस ठाण्यामध्ये करण्यात आली आहे. पोलिसांनी याप्रकरणी दोघांविरोधात गुन्हा दाखल करत अटक केली. कवठेमंकाळ पोलिसांकडून अधिक तपास सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.