Dhule Crime: बंदुकीचा धाक दाखवून धुळ्यातील व्यापाऱ्यांना लुटले, ३ लाख लंपास; लळींग घाटातील धक्कादायक घटना

भूषण अहिरे, धुळे|ता. १८ जानेवारी २०२४

Dhule Crime News:

मुंबई आग्रा महामार्गावरील लळींग घाटामध्ये धुळे शहरातील दोघा व्यापाऱ्यांची अज्ञात पाच लुटारुंनी बंदुकीचा धाक दाखवत, पैशांची लूट केली असल्याची धक्कादायक घटना उघडकीस आली आहे. तसेच या दोघा व्यापाऱ्यांना लुटारूंनी मारहाण देखील केल्याचे उघडकीस आले आहे. पोलीस या प्रकरणी तपास करत आहेत.

याबाबत सविस्तर माहिती अशी की, धुळे शहरातील (Dhule) दोन भंगार व्यापारी मालेगाव येथून व्यापाराचे पैसे वसुली करून रात्री उशिरा धुळ्याच्या दिशेने परतत होते. यावेळी मुंबई आग्रा महामार्गावरील (Mumbai Agra Highway) लळींग घाटात या दोघा व्यापाऱ्यांना दोन दुचाकी वरून आलेल्या पाच लुटारूंनी अडवले. तसेच बंदुकीचा धाक दाखवून जबर मारहाण केली.

यावेळी लुटारुंनी व्यापाऱ्यांकडे असलेल्या बॅगेतील जवळपास अंदाजे तीन लाख रुपये लुटून घटनास्थळावरून पोबारा केला केला. या मारहाणीत जखमी झालेल्या दोघा व्यापाऱ्यांना शासकीय रुग्णालयामध्ये उपचारासाठी दाखल करण्यात आले आहे. मोहाडी पोलीस या प्रकरणाचा अधिक तपास करीत आहेत.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

यवतमाळ (Yavatmal) शहरात घरपोडी करणाऱ्या दोन अट्टल चोरट्यांच्या मुस्क्या आवळण्यात शेर पोलीस ठाण्यातील डीबी पथकाला यश आले आहे. सोमू वाने आणि हर्षल डोये असे अटक केलेल्या आरोपींची नावे आहेत. या अटक केलेल्या आरोपींकडून नऊ लाख 48 लाखांचा मुद्देमाल जप्त करण्यात पोलिसांना यश आले आहेत. (Latest Marathi News)