राजस्थानमधून एक मन्न सुन्न करणारी घटना समोर आली आहे. जन्मदात्या बापानेच आपल्या पोटच्या मुलीची गळा चिरून हत्या केली आणि नंतर तिचा मृतदेह पेटवून दिला. या भयंकर घटनेने परिसरात खळबळ माजली आहे. याबाबतचा अधिक तपास पोलिसांकडून केला जातोय. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
सूत्रांकडून मिळालेल्या माहितीनुसार, नराधम बाप शिवलाल मेघवाल हा साधारण १२ वर्षापासून राजस्थान येथील पाली गावात आपल्या कुटुंबापासून विभक्त राहत होता. शिवलाल याची पत्नी आणि मुले गुजरातमध्ये वास्तव्यास होती. पीडितेच्या नातेवाइकांनी पोलिसांना सांगितले की, नराधम बापास आपली विवाहित मोठी मुलगी निरमा (वय ३२) ही त्याच्या घरच्या वादाला कारणीभूत असल्याचे वाटत होते. त्यामुळे शिवलाल याच्या मनात निरमाविरोधात प्रंचड राग होता.
भेटीचा फायदा घेत साधला डाव...
पोलिसांनी दिलेल्या माहितीनुसार, पीडित तरूणी निरमा तिच्या लहान बहिणीसोबत सोमवारी २७ नोव्हेंबर रोजी पाली येथील इसाली गावात लग्न समारंभासाठी आली होती. समारंभादरम्यान नराधम बापाने तरूणीची भेट घेतली. त्यानंतर तिघं सोबत घरी जात असताना आपल्या लहान मुलीस मध्येच थांबायला लावले आणि पीडित तरुणीला बोलण्याच्या बहाण्याने दुसरीकडे घेऊन गेला. तिथंच मोठ्या मुलीचा गळा चिरला आणि ओळख पटू नये यासाठी तिचा मृतदेह पटवून दिला.
एक पुरावा अन् घटनेचा फुटली वाचा
नराधम बाप लहान मुलीकडे परत आल्यावर, लहान मुलीला वडिलांच्या हातावर रक्त दिसले. त्यानंतर रक्त दिसल्याने मुलीने घाबरून आरडाओरड केली. मुलीच्या आवाजाने गावकऱ्यांनी मुलीच्या दिशेने धाव घेतली असता बापाने तिथून पळ काढला..
गावकऱ्यांना काही अंतरावर पीडित तरूणीचा मृतदेह जळालेल्या अवस्थेत आढळून येताच गावकऱ्यांनी तात्काळ या घटनेची माहिती पोलिसांनी दिली. पोलिसांनी घटनास्थळी धाव घेत संबंधित पुरावे जप्त केले. सध्या आरोपी फरार असून त्याला पकडण्याचे प्रयत्न सुरू आहेत. आरोपीविरूद्ध गुन्हा दाखल करण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.