Crime News : लग्नावरून परतताना रस्त्यात अडवलं, अपहरण करून दोघींवर ८ ते ९ जणांनी केला सामूहिक बलात्कार

Chhattisgarh Crime News : छत्तीसगडच्या सुरगुजा जिल्ह्यात लग्न समारंभावरून परतणाऱ्या दोन अल्पवयीन मुलींवर ८ ते ९ जणांनी सामूहिक अत्याचार केल्याची धक्कादायक घटना समोर आली आहे. पोलिसांनी आरोपींविरोधात गुन्हा दाखल करून तपास सुरू केला असून परिसरात भीतीचे वातावरण आहे.
Chhattisgarh 2 Girls Rape News
Chhattisgarh 2 Girls Rape NewsSaam Tv
Published On
Summary
  • छत्तीसगडच्या सुरगुजा जिल्ह्यात धक्कादायक घटना

  • लग्न समारंभावरून परतणाऱ्या दोन अल्पवयीन मुलींवर सामूहिक बलात्कार

  • आरोपींविरोधात गुन्हा दाखल

  • परिसरात भीतीचे वातावरण आहे.

छत्तीसगडमध्ये धक्कादायक घटना. सुरगुजा जिल्ह्यात लग्न समारंभ आटपून परत घरी निघालेल्या दोन अल्पवयीन मुलींवर ८ ते ९ जणांनी सामूहिक बलात्कार केला असल्याचे उघडकीस आले आहे. या घटनेने संपूर्ण परिसर हादरला आहे. या प्रकरणामुळे स्थानिक नागरिकांमध्ये भीतीचे वातावरण निर्माण झाले असून, पोलिसांनी याप्रकरणी संबंधित आरोपींविरोधात गुन्हा दाखल केला आहे.

मिळालेल्या माहितीनुसार, २४ एप्रिल रोजी संध्याकाळी एकाच गावातील चार अल्पवयीन मुली जवळच्या वस्तीत एका लग्नसमारंभाला गेल्या होत्या. रात्री सुमारे १० वाजता त्या घरी परतत असताना, एका ठिकाणी ८ ते १० तरुणांनी त्यांना अडवले. काही जण सायकल तर काही दुचाकींवरून आले होते. सुरुवातीला त्यांनी मुलींचा विनयभंग केला आणि त्यानंतर त्यांच्यावर जबरदस्ती करण्यात आली.

Chhattisgarh 2 Girls Rape News
Shocking : वहिनीसोबतचं अफेअर पत्नीला समजलं; पतीने प्रेयसीच्या मदतीने केली पत्नीची हत्या, थरारक घटनेने सर्वजण सुन्न

या दरम्यान, एक मुलगी धाडसाने पळून जाण्यात यशस्वी झाली, तर दुसरीनेही प्रसंगावधान राखून निसटण्यास यश मिळवले. मात्र, उर्वरित दोन मुलींना आरोपींनी वेगवेगळ्या ठिकाणी नेले. एका मुलीला गावापासून दूर असलेल्या मैदानात नेऊन चार जणांनी सामूहिक अत्याचार केला, तर दुसऱ्या मुलीवर गावातील परिसरातच तीन जणांनी अत्याचार केल्याची माहिती आहे.

Chhattisgarh 2 Girls Rape News
Shocking : “तू मला खूश कर, मी तुला जास्त दिवस सुट्टी देईन,” नामांकित कंपनीच्या बॉसची महिला कर्मचाऱ्याकडे अश्लील मागणी

पहाटे सुमारे २ वाजता दोन्ही पीडित मुली घरी परतल्या, मात्र भीतीमुळे त्यांनी कुटुंबीयांना काहीच सांगितले नाही. दुसऱ्या दिवशी एका मुलीने आईसोबत पोलीस ठाण्यात धाव घेतली. पोलिसांना घडलेला प्रकार सांगितला. पोलिसांनी आरोपी प्रियांशु खालखो, आशिष, राहुल आणि इतरांविरुद्ध बीएनएसच्या कलम ७०(२) आणि पॉक्सो कायद्याच्या कलम ४(२), ५(जी) आणि ६ अंतर्गत गुन्हा दाखल केला. पोलीस या तरुणांचा शोध घेत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com