Satara : खासगी बसमधून 96 लाख चाेरणारे दाेघा युवकांना अटक

Satara :

सातारा पाेलिस दलातील भुईंज पोलिसांच्या पथकाने खासगी बसमधून पैशाची बॅग चोरणाऱ्या दोन परप्रांतीयांना उत्तरप्रदेश येथून अटक केली. त्यांच्याकडून ८३ लाखांची राेकड हस्तगत करण्यात आली आहे. हसन जुम्मन मोहम्मद (वय २२, राहणार भवानीगड, महाराजगंज, जिल्हा रायबरेली, उत्तरप्रदेश) तसेच इस्तियाक जान मोहम्मद (वय २१, राहणार पडरिया, महाराजगंज, जिल्हा रायबरेली, उत्तरप्रदेश) अशी अटक केलेल्यांची नावे असल्याची माहिती पाेलिसांनी दिली. (Maharashtra News)

२२ फेब्रुवारीला बोपेगाव (ता. वाई) येथील एका हॉटेल परिसरातून खासगी बसमधून 96 लाख रुपयांची चाेरी झाली हाेती. याबाबतची तक्रार भुईंज पोलिस ठाण्यात फिर्यादीने नाेंदवली हाेती. त्यानंतर पाेलिसांनी या घटनेचा कसून तपास करण्यास प्रारंभ केला हाेता.

पाेलिसांच्या पथकाने घटनास्थळच्या आसपासचे सीसीटीव्ही फुटेजची बारकाईने पाहणी केली. त्यामध्ये २ संशयितांच्या हालचाली संशयास्पद आढळुन आल्या. त्यादृष्टीने तपास करीत पाेलिसांनी दाेघांना उत्तर प्रदेश येथून अटक केली. त्याच्याकडून 83 लाख रुपये हस्तगत केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar