Crime: बीडमध्ये रक्तरंजित थरार, नशेखोर तरुणाचा कुटुंबीयांवर चाकूहल्ला; आजीचा मृत्यू, आई-वडील गंभीर

Summary Pointers (Marathi)

• बीडच्या परळी शहरात नशेखोर तरुणाने कुटुंबीयांवर चाकूहल्ला केला

• आजीचा मृत्यू, आई-वडील गंभीर जखमी

• आरोपी अरबाज रमजान कुरेशीला पोलिसांनी अटक केली

• व्हाईटनरची नशा करून आरोपीने हल्ला केल्याचा आरोप

योगेश काशिद, बीड

बीडमध्ये नशेखोर तरुणाने आपल्याच कुटुंबीयांवर जीवघेणा हल्ला केला. आई-वडिलांसह आजीवर त्याने चाकूहल्ला केला. या हल्ल्यात तिघेही गंभीर जखमी झाले. या हल्ल्यात अति रक्तस्राव झाल्यामुळे आजीचा मृत्यू झाला. तर या तरुणाच्या आई-वडिलांची प्रकृती चिंताजनक आहे. या घटनेमुळे बीडमधील परळी जिल्हा हादरला. या प्रकरणी पोलिसांनी आरोपीविरोधात गुन्हा दाखल करत त्याला अटक केली. पोलिस सध्या या प्रकरणाचा तपास करत आहेत.

मिळालेल्या माहितीनुसार, बीडमधील परळी शहरात भयंकर घटना घडली. व्हाइटनरची नशा करणाऱ्या मुलाने आई-वडिलांसह आजीवर चाकूने प्राणघातक हल्ला केला. परळी शहरातील फुलेनगर भागात ही घटना घडली. या हल्ल्यात तिघेही गंभीर जखमी झाले. अति रक्तस्राव झाल्याने उपचारादरम्यान आजीचा मृत्यू झाला. तर आरोपीच्या आई-वडिलांची प्रकृती गंभीर असून त्यांच्यावर रुग्णालयात उपचार सुरू आहेत. या प्रकरणी संभाजीनगर पोलिसांनी आरोपीला ताब्यात घेतलं. त्यानंतर त्याच्याविरोधात गुन्हा दाखल करत अटक केली. अरबाज रमजान कुरेशी असं आरोपीचे नाव आहे.

अरबाज नशेच्या आहारी गेला असून या २० वर्षीय तरुणाने नशा करून घरी येत आपल्याच आई-वडिलांसह आजीला जीवे मारण्याचा प्रयत्न केला. अरबाज नेहमीप्रमाणे नशा करून घरी आला. त्याने आधी कुटुंबीयांसोबत भांडण केले. त्यानंतर चाकूने सपासप वार करत आजीची हत्या केली. तर आई-वडील गंभीर जखमी झाले. त्याच्या आई-वडिलांना अंबाजोगाई येथील स्वामी रामानंद तीर्थ रुग्णालयामध्ये उपचारासाठी दाखल करण्यात आलेले आहे. या तरुणाने आपल्या कुटुंबीयांवर हल्ला का केला याचे कारण समोर आले नाही. पण या घटनेमुळे बीडमध्ये खळबळ उडाली आहे.