Beed News: बीडच्या गेवराई तालुक्यात ड्रोनच्या घिरट्या; चोरी, मारहाणीच्या घटनांनी गावकरी भयभीत, पोलिसांनी दुर्लक्ष केल्याचा आरोप

बीड, ता. ११ ऑगस्ट २०२४

जालना जिल्ह्यामधील काही गावांमध्ये मध्यरात्री ड्रोनने घिरट्या घातल्याचा प्रकार समोर आला होता. याबाबत पोलीस अधिक्षकांकडे तक्रारही करण्यात आली होती. त्यानंतर आता बीडमध्येही असाच प्रकार समोर आला असून बीडच्या तळणेवाडी परिसरात चोरट्यांसह ड्रोनची दहशत पाहायला मिळत असून नागरिकांमध्ये भितीचे वातावरण पसरले आहे.

याबाबत सविस्तर माहिती अशी की, बीडच्या गेवराई तालुक्यातील तळणेवाडी परिसरात चोरट्यांसह ड्रोनची दहशत पसरल्याचे पाहायला मिळत आहे. रात्रीच्या दरम्यान ड्रोन गावावर फिरत असल्याचं गावकरी सांगत आहेत. त्याचबरोबर आतापर्यंत चार घरफोड्या झाल्या आहेत. धक्कादायक बाब म्हणजे घरफोडी करताना घरातील सदस्यांना मारहाणही करण्यात आल्याचं सांगत आहेत.

या सर्व घटनेत एक आपबीती सांगणारा व्हिडिओ गावातील सुरज एडके या तरुणाने जारी केला आहे. यामध्ये गावातील सुरज हा आपल्या घरामध्ये कशी चोरी झाली ? चोर कसे दाखल झाले ? घरातील सामानाची नासधुस, घरातील रोकड, दागिने कसे घेऊन गेले ? त्याचबरोबर मारहाणही करण्यात आल्याचं सांगत आहे..दरम्यान हे सर्व होत असताना मात्र पोलिसांचं दुर्लक्ष केल्याचा आरोप त्यांनी केला आहे.

घरपोडी प्रकरणी चार आरोपींना अटक

भिवंडीच्या कोनगाव येथील मोबाईल दुकानाच्या मागील भिंत फोडून केलेल्या घरफोडीतच्या गुन्ह्यातील चार आरोपींना शिताफीने अटक करून चोरीस गेलेले 8 लाख 13 हजार रुपये किमतीचे 29 मोबाईल हस्तगत करण्यात कोनगाव पोलिसांना यश मिळाले आहे अशी माहिती कोनगाव पोलिस ठाण्याचे वरिष्ठ पोलीस निरीक्षक अतुल अडुरकर यांनी दिली आहे.