Crime News: कचरा वेचणाऱ्या महिलेने २ वर्षांचं बाळ उचलून नेलं; छत्रपती संभाजीनगरमधील धक्कादायक घटना

Chhatrapati Sambhaji Nagar News

दारात खेळणाऱ्या २ वर्षाच्या बाळाला कचरा वेचणाऱ्या महिलेने उचलून नेलं. मात्र, हा प्रकार शेजारच्या महिलेच्या लक्षात येताच तिने महिलेचा पाठलाग करत तिच्या तावडीतून बाळाची सुटका केली. ही धक्कादायक घटना छत्रपती संभाजीनगर शहरातील विश्रांतीनगर परिसरात रविवारी दुपारच्या सुमारास घडली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या घटनेनं परिसरात मोठी खळबळ उडाली असून मुले पळवणारी टोळी आल्याची अफवा पसरली आहे. याप्रकरणी पुंडलिकनगर ठाण्यात महिलेसह तिघांविरुद्ध गुन्हा दाखल करण्यात आला आहे. पोलिसांनी (Police) दिलेल्या माहितीनुसार, फिर्यादी महिला आपल्या पती आणि २ वर्षाच्या बाळासह विश्रांतीनगर परिसरात राहते.

महिलेचा पती सेंट्रींगचे कामे करतो. दरम्यान, रविवारी पती कामावर गेला असताना, महिला घरकामात व्यस्त होती. तिचे २ वर्षाचे बाळ दारात खेळत होते. त्याचवेळी एक अनोळखी महिला तिथे आली. (Latest Marathi News)

आपल्याकडे कुणाचंही लक्ष नसल्याची खात्री होताच या महिलेने २ वर्षाच्या बाळाला घेऊन पळ काढला. दरम्यान, हा प्रकार शेजारी राहणाऱ्या एका महिलेच्या लक्षात आला. तिने तातडीने आरोपी महिलेचा पाठलाग करत बाळाची सुटका केली.

या घटनेनंतर बाळाच्या आईने पुंडलिकनगर ठाण्यात धाव घेतली. महिलेसह दोघांवर गुन्हा दाखल केला आहे. घटनेचा अधिक तपास पोलीस करीत आहेत. या घटनेनं परिसरात मोठी खळबळ उडाली आहे.