UPI Latest Update: UPI युजर्ससाठी महत्त्वाची बातमी! तुमचा मोबाईल नंबर बंद झालाय? तर 'हे' काम लगेच करा, अन्यथा...

UPI New Rule: नवीन आर्थिक वर्ष उद्यापासून सुरु होणार आहे. 1 एप्रिल २०२५ मध्ये अनेक नियम बदलेले आहेत. त्यातील एक नियम UPI धारकांना लागू करण्यात आला आहे. याचा परिणाम थेट लोकांच्या खिशावर होणार आहे. भारतात लोक मोठ्या संख्येने यूपीआय पेमेंटचा वापर करतात. त्यामध्ये उद्यापासून काही बदल करण्यात आले आहेत. ते पुढील माहितीतून समजून घ्या.

नॅशनल पेमेंट्स कॉरपोरेशन ऑफ इंडिया ने UPI चे काही नियम बदलले आहेत. त्यामुळे तुम्हाला सुरक्षित व्यवहार करता येणार आहे. हा नियम १ एप्रिलपासून लागू होणार आहे. यानियमात तुम्ही वापरत असलेले UPI तुमच्या चालू मोबाईलचे नसेल. तर तुमचे UPI बंद होऊ शकते. तसेच यामध्ये युपीआयला लिंक असलेला मोबाईल नंबर ९० दिवस वापरला नसेल. तर तुमचा नंबर दुसऱ्या व्यक्तिला दिला जाणार आहे. त्याने तुमच्या युपीआयमधील पैसे दुसऱ्याच्या युपीआय अकाउंटवर जाण्याची शक्यता आहे.

याचा अर्थ काय?

याचाच अर्थ तुम्ही जुना मोबाईल नंबर युपीआयला लिंक केला असेल आणि तो आता बंद झालाय. असे असेल तर तुमचे युपीआय काम करणे थांबेल. म्हणजेच तुम्ही युपीआय पेमेंटचा वापर करू शकत नाही.

नवीन अपडेट

१ एप्रिलपासून बदलेल्या नियमा प्रमाणे तुमचे युपीआय अ‍ॅप आठवड्यातून किमान १ वेळेस ग्राहकांच्या मोबाईल नंबर रेकॉर्ड तपासतील आणि अपडेट करतील.

युपीआय धारकांचे काम

१. बॅंकेत जावून तुमचा मोबाईल नंबर अपडेट करा. तरच तुम्ही युपीआय वापरू शकाल.

२. तुम्ही जर नुकताच नवीन मोबाईल नंबर वापरत असाल. तर त्वरित नंबर रजिस्टर करून घ्या.

३. बॅंकेत रजिस्टर असलेला नंबर सतत वापरत राहा. त्यामुळे तुम्हीला सगळ्या सेवांचा लाभ घेता येतो.

कलेक्ट पेमेंट फिचर बंद होणार

फसवणूक कमी करण्यासाठी एनपीसीआयने अलिकडेच कलेक्ट पेमेंट फीचर काढून टाकण्याची प्रक्रिया सुरु केली आहे. आता हे फिचर मोठा व्यापार करणाऱ्यांसाठीच असणार आहे. तर यामध्ये तुम्हाला २००० रुपयांपर्यंतचा व्यवहार करता येणार आहे.