देशात सध्या इलेक्ट्रिक कारची मागणी प्रचंड वाढत आहे. इलेक्ट्रिक कार पर्यावरणपुरक असतात. त्यामुळे ग्राहकांचा पेट्रोल डिझेलऐवजी इलेक्ट्रिक कार घेण्याकडे कल जास्त आहे. येत्या वर्षात काही नवीन इलेक्ट्रिक कार लाँच होणार आहेत. या नवीन कारची यादी जाणून घ्या.
Maruti Suzuki eVX
मारुती सुझुकी ही कार उत्पादनातील नावाजलेली कंपनी आहे. कंपनी नेहमीच ग्राहकांसाठी नवनवीन कार लाँच करत असते. कंपनी २०२४ मध्ये इलेक्ट्रिक सेंगमेंटमधील त्यांची पहिली कार लाँच करणार आहे. कंपनीची eVX इलेक्ट्रिक एसयूवी या वर्षात जानेवारी महिन्यात ऑटो एक्सपोमध्ये प्रदर्शित करण्यात आली होती. ही कार जानेवारी महिन्यात लाँच होण्याची शक्यता आहे. eVX Electric SUV एका चार्जमध्ये 550 किमी रेंज देईल. ही कार 60kWh लिथियम-आयन बॅटरी पॅकसह सुसज्ज असेल.
Tata Harrier EV
टाटा मोटर्सची Tata Harrier EV येत्या वर्षात लाँच होणार आहे. Harrier EV या वर्षी ऑटो एक्सपोमध्ये प्रदर्शित करण्यात आली होती. Gen 2 EV नवीन फीचर्स आणि Harrier EV V2L आणि V2V चार्जिंग फीचर्ससह बाजारात लाँच होणार आहे.
Mahindra XUV.e8
महिंद्रा अँड महिंद्रा ही वाहन उत्पादन कंपन्यांमधील अग्रेसर कंपनी आहे. कंपनी लवकरच XUV700 वर आधारित इलेक्ट्रिक SUV लाँच करणार आहे. ही महिंद्राची दुसरी इलेक्ट्रिक कार असेल. महिंद्रा अँड महिंद्रा कंपनीने ऑगस्टमध्ये त्यांच्या आगामी इलेक्ट्रिक एसयूव्हीचे प्रदर्शन केले होते. त्यानंतर आता Mahindra XUV.e8 लाँच होणार आहे. ही कार ड्युअल इलेक्ट्रिक मोटर्स तसेच ऑल-व्हील ड्राइव्ह टेक्नोलॉजीसह येण्याची अपेक्षा आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.