UPI Payment: परदेशात फिरण्यासाठी डॉलर घ्यायची गरज नाही; या देशांमध्ये UPI द्वारे करु शकणार पेमेंट

UPI Payments Now Accepted In many Conutries:

प्रत्येक देशाचे वेगवेगळे चलन असते. त्यासाठी परदेशात जाण्याआधी आपल्याला हे चलन खरेदी करावे लागते. परंतु आता तुम्हाला त्या देशातील चलन खरेदी करण्याची गरज भासणार नाही. जगातील काही देशांमध्ये तुम्ही UPI द्वारे पेमेंट करु शकता. मोदी सरकारने या देशांसोबत काही करार केले आहेत.

परराष्ट्र मंत्रालयाने नुकतीच याबाबत घोषणा केली आहे. युनिफाइड पेमेंट इंटरफेस सेवा आता श्रीलंका आणि मॉरिशसमध्ये सुरु होणार आहे. देशाचे पंतप्रधान नरेंद्र मोदी यांनी श्रीलंक आणि मॉरिशसमध्ये UPI आणि RuPay ही सेवा व्हिडिओ कॉन्फरन्सद्वारे लाँच केली आहे. त्यानंतर एनपीसीआय इंटरनॅशनल पेमेंट्स लिमिटेड आणि Lyra ने महिन्याच्या सुरुवातीला फ्रान्समध्ये UPI पेमेंट सुरु करण्याची घोषणा केली आहे. (Latest News)

UPI हा पेमेंट करण्याचा सर्वात सोपा मार्ग आहे. यामध्ये युजर्स बँकेच्या खात्यातून रिअल टाइम पेमेंट करु शकतात. मागील दोन वर्षात अनेक देशांनी UPI पेमेंट स्विकारले आहे. ज्या देशांनी UPI पेमेंट लाँच केले आहेत त्या देशांची यादी जाणून घेऊया.

जगातील या देशांमध्ये UPI पेमेंट सेवा सुरु

भूटानमध्ये UPI सेवा सुरु झाली आहे. ओमानमध्ये यूपीआय पेमेंट सेवा सुरु झाली आहे. तर आशियाई देशांमध्ये मलेशिया, थायलंड, फिलिपिन्स, व्हिएतनाम, कंबोडिया, दक्षिण कोरिया, जपान, तैवान आणि हाँगकाँग या देशांमध्ये UPI पेमेंटबाबत करार करण्यात आला आहे. मॉरिशरमध्येदेखील UPI पेमेंट स्विकारले आहे. श्रीलंका, नेपाळ आणि फ्रान्समध्येदेखील तुम्ही UPI द्वारे पेमेंट करु शकता.

PhonePe द्वारे इंटरनॅशनल पेमेंट कसे कराल

• UPI चा अॅप उघडा. त्यानंतर होम स्क्रिनवर जा.

• तुमच्या प्रोफाइल फोटोवर क्लिक करा. त्यानंतर पेमेंट सेटिंग्जमध्ये UPI इंटरनॅशनल निवडा.

• तुम्ही इंटरनॅशनल पेमेंटसाठी वापरत असणाऱ्या बँक खात्यावर क्लिक करा. त्यानंतर UPI पिन सेट करा. त्यानंतर पेमेंट करा.