Success Story: नोकरी सोडली अन् सुरु केला कॅब सर्व्हिसचा व्यवसाय; आज उभारली ६० कोटींची कंपनी; महाराष्ट्राच्या लेकाची यशोगाथा वाचा

आयुष्यात अनेकदा परिस्थितीमुळे काही गोष्टी कराव्या लागतात. कितीही मनासारख काम नसलं तरीही ते करावं लागतं. परंतु कधीतरी आपले स्वप्न पूर्ण करण्याची आपल्या मिळते. तेव्हा त्या संधीचं सोनं करुन जो व्यक्ती प्रयत्न करतो त्याला यश मिळवण्यापासून कोणीही थांबवू शकत नाही. असंच काहीसं सांगलीच्या विक्रम भोसले यांच्यासोबत झाले. (Success Story)

विक्रम भोसले हे मूळचे सांगलीतील दिघंची आटपाटी गावचे रहिवासी. त्यांनी पुण्यात ऑटोमोबाईल इंजिनियरिंगचे शिक्षण पूर्ण केले. त्यानंतर टाटा मोटर्स, बजाज मोटर्स या कंपन्यांमध्ये ऑटोमोबईल इंजिनियरिंग केले. त्यांनी नोकरी करताना स्वतः ची कार घ्यायचा निर्णय घेतले. कारसाठी द्यायला लागणाऱ्या ईएमआयमुळे त्यांनी टुरिस्ट कार घेतली. शनिवार-रविवारी ते स्वतः भाडे घेऊन गाडी चालवायचे आणि इतर दिवशी ड्रायव्हर ठेवून भाड्याने द्यायचे. (Success Story Of VRB Technologies Owner)

या बिझनेसमध्ये असलेला स्कोप त्यांच्या लक्षात आला. त्यामुळे त्यांनी अजून एक कार घेतली. त्यानंतर या कार वाढवून ओला आणि उबर कंपन्यांच वेंडरशिप घेतली. २०१६ साली त्यांनी व्यवसाय सुरु करण्याचा निर्णय घेतला. त्यामुळे त्यांनी नोकरी सोडली. त्यांनी पुण्यात VRB Technologies Pvt.Ltd नावाची कंपनी सुरु केली.

त्यानंतर त्यांनी कॉर्पोरेटमध्ये प्रवेश केला. विविध कंपन्यांना कर्मचाऱ्यांना ने-आण करण्यासाठी कारची आवश्यकता असते. त्यामुळे विक्रम यांनी कंपन्यांना कॅब सर्व्हिस देण्याचा निर्णय घेतला.

आज विक्रम यांच्या पुणे, मुंबई, हैदराबाद, दिल्ली अशा अनेक ठिकाणी कर्मचाऱ्यांची ने-आण करण्यासाठी ५०० पेक्षा जास्त कार आहेत. त्यातील ५० पेक्षा जास्त कॅब या स्वतः च्या आहेत.या कंपनीचा टर्नओव्हर २२ कोटी आहे. या कंपनीची नेटवर्थ आज ६० कोटी रुपये आहे. मराठमोळ्या विक्रम भोसले यांचा हा प्रवास प्रेरणादायी आहे. (Success Story Of Vikram Bhosale)