Success Story: १३ वेळा नापास; हार नाही मानली; UPSC केली क्रॅक; IAS अवनीश कुमार यांचा प्रवास

यूपीएससी ही देशातील सर्वात अवघड परीक्षा आहे. यूपीएससी परीक्षा पास करण्यासाठी दिवसरात्र मेहनत करावी लागते. कितीही अपयश आले तरीही त्यावर मात करता यायला हवी. असंच काहीस अवनीश शरण यांनी केलं. त्यांनी मोठ्या जिद्दीने यूपीएससी परीक्षा पास केली. लाखो उमेदवार दरवर्षी यूपीएससी परीक्षा देतात.परंतु सर्वांनाच यश मिळत नाही. सातत्य आणि मेहनत केल्यावर तुम्ही नक्कीच यशस्वी व्हाल.

अवनीश शरण हे मूळचे बिहारचे आहेत. त्यांनी सुरुवातीचे शिक्षण सरकारी शाळेतून केले. ते पहिल्यापासूनच अभ्यासात फार काही हुशार नव्हते. त्यांना १०वीत फक्त ४४.७ टक्के गुण मिळाले होते. परंतु त्यांनी याचा परिणाम अभ्यासावर होऊन दिला नाही. त्यांनी उलट प्रयत्न केले. त्यांना १२वीत ६५ टक्के गुण मिळाले होते. यानंतर ग्रॅज्युएशनमध्ये त्यांना ६० टक्के गुण मिळाले होते.

अवनीश यांनी यूपीएससीआधी अनेक स्पर्धा परीक्षा दिला. त्यांना सीडीएस, सीपीएफ या परीक्षा दिल्या. त्यांनी राज्य PCS ची परीक्षादेखील दिली होती. यामध्ये ते १०वेळा अयशस्वी ठरले. परंतु त्यांनी हार मानली नाही. अवनीश हे एकूण १३ परीक्षांमध्ये नापास झाले होते. परंतु यामुळे त्यांची जिद्द काही कमी झाली नाही.

अवनीश यांनी यूपीएससी परीक्षा दिली. पहिल्या प्रयत्नात ते इंटरव्ह्यूपर्यंत पोहचले पण यश मिळाले नाही. दुसऱ्या प्रयत्नात त्यांनी ७७ रँक प्राप्त केली आणि त्यांनी आयएएस होण्याचे स्वप्न पूर्ण केले.