Success Story : २० वर्षे बँकेत नोकरी, ५० व्या वर्षी स्वतःचा व्यवसाय; देशातील सर्वात श्रीमंत महिला CEO बद्दल जाणून घ्या!

प्रत्येक गोष्ट यशस्वीरित्या उभारण्यासाठी जिद्द आणि चिकाटी खूप महत्त्वाची असते. इच्छाशक्ती आणि मेहनत करुन व्यक्ती खूप यशस्वी होते. अशाच एक यशस्वी उद्योजिकेची गोष्ट आम्ही तुम्हाला सांगणार आहोत. त्या महिलेचं नाव आहे फाल्गुनी नायर. फाल्गुनी नायर या आज नायका या मेकअप ब्रँडच्या सीईओ आहे.

फाल्गुनी या देशातील सर्वात श्रीमंत व्यक्तींपैकी एक आहे. फाल्गुनी नायर यांनी शुन्यातून आपली कंपनी उभी केली आहे. फाल्गुनी यांचा जन्म १९ फेब्रुवारी १९६३ रोजी मुंबई झाला. त्यांनी २० वर्ष बँकर म्हणून काम केले. कोटक महिंद्रा बँकेत त्यांनी सुरुवातीला काम केले. २० वर्षांचा अनुभव असतानाही फाल्गुनी यांच्या मनात बिझनेस करण्याची इच्छा होती.

नोकरी करताना त्यांना आयआयएम अहमदाबादमधून एमबीए केले. त्यानंतर त्यांना बिझनेस करण्याची कल्पना सुचली. वयाच्या ५० व्या वर्षी त्यांनी आपली जास्त पगाराची नोकरी सोडली अन् शुन्यातून बिझनेस उभारण्यास सुरुवात केली.

२०१२ मध्ये फाल्गुनी यांनी नायका कंपनीची सुरुवात केली. नायका शब्द हा नायिका शब्दातून प्रेरित आहे. याचा अर्थ मुख्य भूमिका साकारणारी अभिनेत्री.प्रत्येक महिला ही आपल्या आयुष्यात नायिका असते, असं फाल्गुनी यांना वाटायचे.

फाल्गुनी यांनी २०१२ मध्ये सर्वप्रथम ब्युटी वेलनेस उत्पादने विकण्यासाठी ऑनलाइन प्लॅटफॉर्म सुरु केले. यात त्या यशस्वी झाल्या. त्यानंत २०२४ मध्ये त्यांनी NYKAA मध्ये १ दशलक्ष रुपयांची गुंतवणूक केली. यानंतर त्यांनी आपल्या कंपनीचा विस्तार केला.

फाल्गुनी नायर या भारतातील सर्वात श्रीमंत महिला सीईओ आहेत.त्यांची संपत्ती २१,६०० कोटी रुपयांपेक्षा जास्त आहे. त्यांच्या कंपनीत १६०० हून अधिक लोकांची टीम काम करते.