SCSS: निवृत्तीनंतर दर महिन्याला २०,००० मिळवायचेत? या सरकारी योजनेत आजच गुंतवणूक करा

सेवानिवृत्तीनंतर आपले आयुष्यात आर्थिकदृष्ट्या सुखकर व्हावे, यासाठी प्रत्येकजण आधीपासूनच गुंतवणूक करतात. प्रत्येकजण आपल्या पगारातील ठरावीक रक्कम बाहेर काढतात. जर तुम्ही हीच रक्कम चांगल्या योजनेत गुंतवली तर तुम्हाला चांगले व्याजदर मिळते. यामुळे तुम्हाला दर महिन्याला एक ठरावीक रक्कमदेखील मिळू शकतात. दरम्यान, तुम्ही सिनियर सिटीजन सेव्हिंग स्कीममध्ये गुंतवणूक करु शकतात. यामध्ये तुम्हाला २०,००० रुपयांपर्यंत दर महिन्याला पैसे मिळतात.

सिनियर सिटीजन सेव्हिंग स्कीम

सिनियर सिटीजन सेव्हिंग स्कीममध्ये ६० किंवा जास्त वयोगटातील नागरिक अकाउंट उघडू शखतात. ५५ ते ६० वर्षात निवृत्त झालेले नागरिकदेखील अकाउंट उघडू शकतात. तसेच वीआरएस घेतलेले नागरिकांसाठीही ही योजना लागू आहे.

या योजनेत तुम्ही १००० रुपयांपासून गुंतवणूक करु शकतात. सिंगल अकाउंटसाठी कमाल ३० लाख तर जॉइंट अकाउंटसाठी कमाल ६० लाख रुपये गुंतवणूक शकतात. या योजनेचा मॅच्युरीटी कालावधी ५ वर्षांचा आहे. यानंतर तुम्ही ३ वर्षांसाटी वाढवू शकतात.

व्याजदर

या योजनेत सध्या व्याजदर ८.२ टक्के आहे. व्याजदर प्रत्येक तिमाही आधारावर तुमच्या बँक किंवा पोस्ट ऑफिस अकाउंटमध्ये जमा होतात.

जर एखादा व्यक्ती १५ लाख रुपये गुंतवणूक करत असेल तर ८.२ टक्के व्याजदराने त्याला १,२३,०० रुपये वर्षाला मिळतील. म्हणजेच महिन्याला ११,५७० रुपये मिळतील. या योजनेतील व्याजदर कमी-जास्त होत असते.

या योजनेत गुंतवणूक केल्यावर तुम्हाला टॅक्समध्येही सूट मिळते.तुम्हाला कलम 80C अंतर्गत १ लाखांवर टॅक्स भरावा लागत नाही. याचसोबत या योजनेत जर वर्षाला ५० हजारांपेक्षा जास्त व्याजदर असेल तरच टीडीएस कापला जाणार आहे. जर गुंतवणूकदार ५ वर्षांआधी पैसे काढत असेल तर त्याला दंड भरावा लागणार आहे.