Rule Change: LPG गॅसच्या किंमती, इन्कम ते रेल्वे तिकीट; १ एप्रिलपासून ५ नियम बदलणार; थेट तुमच्या खिशावर होणार परिणाम

१ एप्रिल २०२६ पासून नवीन आर्थिक वर्ष सुरु होणार आहे. या नवीन आर्थिक वर्षात अनेक नियम बदलणार आहेत. महिन्याच्या सुरुवातीला पैशांसंबंधित अनेक नियम बदलतात. त्याचसोबत आता आर्थिक वर्ष सुरु होणार आहे त्यामुळे हे नवीन नियम तुम्हाला माहित असायलाच हवेत. या नवीन नियमांमुळे थेट तुमच्या खिशावर परिणाम होणार आहे.

१ एप्रिलपासून हे नियम बदलणार (Rule Change From 1st April 2026)

एलपीजी, सीएनजीच्या किंमती (LPG Gas Price Change)

इंधनाच्या किंमती १ एप्रिलपासून बदलणार आहेत. दर महिन्याच्या १ तारखेला एलपीजीच्या नवीन किंमती अपडेट होतात. अशातच सध्या युद्धामुळे एलपीजीच्या किंमती वाढल्या आहेत. त्यामुळे भविष्यात नवीन किंमती जाहीर होण्याची शक्यता वर्तवली जात आहे. सीएनजी आणि पीएनजीच्या किंमतीत बदल होऊ शकतो.

इन्कम टॅक्सचे नवीन नियम

१ एप्रिलपासून नवीन आयकर कायदा लागू होणार आहे. १९६१ च्या कायदा बदलून नवीन कायदा लागू होणार आहे. यामध्ये अनेक बदल केले जाणार आहे. ज्याचा करदात्यांवर परिणाम होणार आहे. फॉर्म १६ बदलून आता फॉर्म १३१ असणार आहे.

एटीएमचे नियम (ATM Rule)

एटीएमच्या नियमात बदल केले जाणार आहे. आता एचडीएफसी बँकेने मोफत एटीएममधून पैसे काढण्याची मर्यादा कमी केली आहे. पंजाब नॅशनल बँकेने कार्डद्वारे पैसे काढण्याची मर्यादा कमी केली आहे. ही मर्यादा ५०,००० ते ७५,००० रुपयांपर्यंत मर्यादीत ठेवण्यात आले आहे.

पॅन कार्डचे नियम (Pan Card Rule)

पॅन कार्ड काढण्याच्या नियमात बदल केले जाणार आहे. याआधी फक्त आधार कार्डद्वारे तुम्ही पॅन कार्ड काढू शकत होता. मात्र, आता तुम्हाला पॅन कार्डसाठी अनेक कागदपत्रे जमा करावी लागणार आहे. यामध्ये शैक्षणिक कागदपत्रांचा समावेश आहे.

रेल्वेच्या तिकीटांच्या नियमात बदल (Railway Ticket Refund Rule)

आता रेल्वेचं तिकीट रद्द करणे महाग पडणार आहे. आता ट्रेनच्या ८ तास आधी तिकीट रद्द केल्यावर कोणताही रिफंड मिळणार आहे. ८ ते २४ तासात रद्द केले तर ५० टक्के रिफंड मिळणार आहे. २४ ते ७२ तासांमध्ये तिकीट रद्द केले तर २५ टक्के कापले जाणार आहेत.