RBI Repo Rate: रेपो रेटमध्ये मोठी कपात! २०, ३० आणि ५० लाखांच्या गृहकर्जांवर तुमचा EMI किती रुपयांनी कमी होणार? वाचा A टू Z माहिती

रिझर्व्ह बँक ऑफ इंडियाने रेपो रेटमध्ये मोठी कपात केली. आरबीआयच्या चलनविषयक धोरण समितीच्या बैठकीमध्ये हा मोठा निर्णय घेण्यात आला. रेपो रेटमध्ये ५० बेसिक पॉइंट्सची कपात करण्यात आली आहे. आरबीआयचे गव्हर्नर संजय मल्होत्रा यांनी आज हा निर्णय जाहीर केला. रेपो रेट कमी करण्यात आल्यामुळे होम लोन कमी होणार आहे. त्यामुळे होम लोन असणाऱ्यांना मोठा दिलासा मिळाला.

आरबीआयने रेपो रेटमध्ये कपात केल्यामुळे आता रेपो रेट ५.५० टक्के असणार आहे. रेपो रेट कमी करण्यात आल्यामुळे होम लोन, कार लोन स्वस्त होणार आहे. त्यामुळे कर्जदारांना मोठा दिलासा मिळाला आहे. जर तुम्ही बँकेकडून कर्ज घेतले असेल तर तुमच्या कर्जाच्या ईएमआयमध्ये कपात होण्याची शक्यता आहे. रेपो रेटमध्ये कपात झाल्यानंतर तुमची बॅक देखील व्याजदर कमी करेल. २०, ३० आणि ५० लाखांच्या गृहकर्जावर तुमचा ईएमआय किती असेल? आणि पूर्वीपेक्षा ईएमआय किती कमी असेल हे आपण जाणून घेणार आहोत...

५० लाखांच्या कर्जावर किती ईएमआय?

बँकेकडून तुम्ही ३० वर्षांसाठी ५० लाख रुपयांचे गृहकर्ज घेतले आहे आणि त्या बदल्यात तुम्ही ९ टक्के व्याज देत आहात. तर तुमचा महिन्याचा ईएमआय ४०,२३१ रुपये होईल. पण आता आरबीआयने रेपो रेटमध्ये कपात केल्यानंतर हा ईएमआय ३८,४४६ रुपये होईल. याचाच अर्थ तुमच्या ईएमआयमध्ये १७८५ रुपयांची कपात होईल.

३० लाखांच्या कर्जावर किती ईएमआय?

जर तुम्ही २० वर्षांसाठी ८.५ टक्के व्याजदराने ३० लाखांचे गृहकर्ज घेतले असेल. तर त्याचा महिन्याला २६,०३५ रुपये ईएमआय द्यावा लागतो.. आता आरबीआयने रेपो रेटमध्ये कपात केली. जेव्हा बँक कर्जाच्या व्याजात रेपो रेटनुसार कपात करेल तेव्हा व्याज ८ टक्के होईल. म्हणजेच तुम्हाला ३० लाखांच्या कर्जावर ईएमआय २५,०९३ रुपये द्यावा लागेल. ईएमआयमध्ये दरमहा ९४२ रुपये कमी होतील.

२५ लाखांच्या कर्जावर किती ईएमआय?

जर तुम्ही २० वर्षांसाठी २५ लाख रुपयांचे गृहकर्ज घेतले असेल. ज्यासाठी तुम्ही ८.५ टक्के व्याज देत आहात. तर तुमचा ईएमआय २१,६९६ रुपये असेल. आता रेपो दरात कपात झाल्यानंतर तुमच्या बँकेच्या ईएमआयमध्ये मोठी कपात होईल. हे व्याज ८ टक्क्यांपर्यंत कमी होईल. ज्यामुळे तुमच्या गृहकर्जाचा ईएमआय २०,९११ रुपये होईल. याचाच अर्थ ईएमआयमध्ये दरमहा ७८५ रुपयांची बचत होईल.

२० लाखांच्या कर्जावर किती ईएमआय?

जर तुम्ही २० लाखांचे कर्ज २० वर्षांसाठी ९ टक्के व्याजदराने घेतले असेल. तर तुम्हाला महिन्याला ईएमआय १७,९९५ रुपये द्यावा लागत असेल. आता रेपो दरात कपात झाल्यानंतर तुमचा ईएमआय १७,३५६ रुपये होईल. म्हणजे तुम्हाला ईएमआयमध्ये ६३९ रुपये कमी द्यावे लागतील.