Inspirational Story: लेकींसाठी जणू देवदूतच !मुलीच्या जन्मानंतर एकही रुपया फी घेत नाही 'हे' डॉक्टर; आनंद महिंद्रांनीही केलं कौतुक

प्रत्येकजण आपलं काम खूप मनापासून करत असतात. आपण ज्या फील्डमध्ये काम करत आहोत त्याला पूर्णपणे न्याय द्यायचा प्रयत्न करतात. दरम्यान, सीमेवर लढणारे सैनिक, डॉक्टर किंवा पोलिस हे कोणत्याही देवापेक्षा कमी असतात. डॉक्टरांमुळे हजारो लोकांना जीवनदान मिळते. दरम्यान, पुण्यातील अशाच एका सुपरहिरो डॉक्टरची गोष्ट आम्ही तुम्हाला सांगणार आहोत.

पुण्यातील डॉक्टरांची अनोखी कामगिरी

पुण्यातील एक डॉक्टर लेकीचा जन्म झाल्यानंतर त्यासाठी एकही रुपया फी चार्ज करत नाही. मुलींसाठी केलेल्या या उत्तम कामगिरीमुळे डॉक्टरांचं खूप कौतुक होत आहे. डॉ, गणेश राख असं त्यांचं नाव आहे. ते गेल्या अनेक दिवसापासून मुलीचा जन्म झाल्यानंतर कोणतीही फी घेत नाही. प्रसिद्ध उद्योजक आनंद महिंद्रा यांनीदेखील डॉ. गणेश राख यांचं कौतुक केलं आहे.

लेकीच्या जन्मानंतर घेत नाही एकही रुपया फी

आनंद महिंद्रा यांनी डी. प्रशांत नायर यांची एक पोस्ट रिशेअर केली आहे. त्यात म्हटलंय की, एका कामगाराने आपल्या बायकोला प्रसूतीसाठी रुग्णालयात दाखल केले. बायकोच्या सिझेरियनसाठी खर्च भागवण्यासाठी त्याने घर गहाण ठेवलं.बाळाच्या जन्मानंतर मुलगा की मुलगं असं त्यानं विचारलं. त्यावेळी मुलगी झालं असं डॉक्टरांनी सांगितलं. यानंतर त्या व्यक्तीने डॉक्टरांना फीबद्दल विचारले. तेव्हा डॉ. गणेश राख म्हणाले की, जेव्हा एजंल जन्माला येतात तेव्हा मी फी घेत नाही.डॉक्टरांचे हे वाक्य ऐकून त्या मूलीचे वडील भारावून गेले आणि डॉक्टरांच्या पाया पडू लागले.

१,००० हून अधिक बाळांच्या प्रसूतीसाठी फी नाही

पुण्यातील डॉक्टर गणेश राख हे गेल्या १० वर्षांपासून मुलगी जन्माला आल्यावर शुल्क आकारत नाही. डॉक्टर गणेश यांनी सेव्ह द गर्ल्ड चाइल्ड उपक्रमाने जागतिक स्तरावर बदल घडवून आणला आहे. आतापर्यंत त्यांनी १००० पेक्षा जास्त बाळांना मोफत जन्म दिला आहे.