केंद्र सरकारने ज्येष्ठ नागरिकांसाठी अनेक योजना राबवल्या आहेत. यातील अनेक योजना या त्यांच्या सुरक्षेसाठी आहेत. त्यांना भविष्यात कधीही अडचण येऊ नये, यासाठी या योजना राबवण्यात आल्या आहे. अशी एक विमा योजना सुरु करण्यात आली आहे. प्रधानमंत्री जीवन ज्योती विमा योजना असं या योजनेचं नाव आहे. या योजनेत नागरिकांना विमा संरक्षण मिळते.
पीएम जीवन ज्योती विमा योजनेचा लाभ घेताना तुम्हाला फार कमी रक्कम गुंतवावी लागते. वर्षातून एकदा तुम्हाला हे पैसे भरायचे असतात. सरकारने २०१५ मध्ये ही योजना सुरु केली. या योजनेत दरवर्षी ठरावीक रक्कम गुंतवून तुम्ही ही पॉलिसी खरेदी करु शकतात आणि इन्श्युरन्सचा लाभ घेऊ शकतात.
प्रधानमंत्री जीवन ज्योती विमा योजनेत पॉलिसीधारकाचा मृत्यू झाला तर दोन लाखांपर्यंतचा क्लेम मिळतो. या योजनेत १८ ते ५० वयोगटातील नागरिक लाभ घेऊ शकतात. या योजनेत मॅच्युरिटीचा कालावधी ५५ वर्षे आहे. दर वर्षी हा प्लान रिन्यू करावा लागतो.
जर तुम्ही एखाद्या वर्षी प्रिमियम जमा केला नाही तर तुम्हाला या योजनेचा लाभ करता येणार नाही. या योजनेत पॉलिसी खरेदी करण्यासाठी दरवर्षी फक्त ४३६ रुपये भरायचे आहेत. हा इन्शुरन्स प्रिमियम १ जून ते ३० मेपर्यंत असतो. त्यानंतर तुम्हाला पुन्हा प्रिमियम भरावा लागतो.तुम्ही कोणत्याही बँकेत जाऊन हा प्रिमियम भरु शकतात.
पीएम जीवन ज्योती विमा योजना हा एक टर्म इन्श्युरन्स प्लान आहे. यामध्ये विमा पॉलिसीधारकाचा अचानक मृत्यू झाला तर त्याच्या कुटुंबियांना इन्श्युरन्सची रक्कम मिळणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.