PM Kisan Yojana: शेतकर्‍यांच्या कामाची बातमी! कोणत्याही क्षणी खात्यात ₹२००० येणार; पण त्याआधी हे काम कराच

देशातील जवळपास १० कोटी शेतकरी पीएम किसान योजनेचा लाभ घेत आहेत. पीएम किसान योजनेत तुम्हाला दरवर्षी ६००० रुपये मिळतात. तीन हप्त्यांमध्ये हे पैसे दिले जातात. दरम्यान, आता शेतकरी २१व्या हप्त्याची वाट पाहत आहेत. ऑक्टोबर महिन्यात शेतकऱ्यांच्या खात्यात पैसे जमा होण्याची शक्यता होती. मात्र, आता हा हप्ता लांबणीवर गेला आहे. दरम्यान, कधीही शेतकऱ्यांच्या खात्यात पैसे येऊ शकतात. परंतु त्याआधी तुम्हाला हे काम करायचे आहे.

हे काम करा अन्यथा मिळणार नाही पीएम किसानचा हप्ता (PM Kisan Yojana Do These Work Otherwise wont Get Installment)

पीएम किसान योजनेचा हप्ता मिळवण्यासाठी शेतकऱ्यांना केवायसी करणे अनिवार्य आहे. शेतकऱ्यांनी जर केवायसी केली नाही तर त्यांना योजनेअंतर्गत लाभ मिळणार नाहीये. तुम्हाला ऑनलाइन पद्धतीने केवायसी करायची आहे. याचसोबत CSC सेंटरमध्ये जाऊनदेखील तुम्ही केवायसी करु शकतात.

या शेतकऱ्यांना मिळणार लाभ

ज्या शेतकऱ्यांना मागचा हप्ता मिळाला आहे त्या सर्व शेतकऱ्यांना हा हप्तादेखील मिळणार आहे. परंतु त्यासाठी तुम्हाला सर्वात आधी केवायसी करायची आहे. याचसोबत तुमचे नाव लिस्टमध्ये आहे की नाही हे चेक करा. जेणेकरुन तुम्हाला लाभ मिळणार की नाही हे समजेल.

केवायसी कशी करायची? (PM Kisan Yojana KYC Process)

पीएम किसान योजनेत केवायसीसाठी सर्वात आधी अधिकृत वेबसाइटवर जा.

यानंतर फार्मर्स कॉर्नरवर क्लिक करा.

यानंतर तुम्हाला केवायसी ऑप्शनवर क्लिक करा.

यानंतर तुमचा फोन नंबर आणि आवश्यक माहिती

टाका. तुमच्या फोन नंबरवर ओटीपी येईल.

हा ओटीपी तुम्हाला टाकल्यानंतर केवायसी प्रोसेस पूर्ण होईल.