PM Awas Yojana: तुमच्या हक्काच्या घराचं स्वप्न पूर्ण होणार, सरकार करतंय इतक्या लाखांची मदत;असा घेता येईल लाभ

केंद्र सरकारने प्रत्येक नागरिकांचे स्वतः चे हक्काचे घर असावे या उद्देशातून प्रधानमंत्री आवास योजनेची सुरुवात केली आहे. ३ कोटी लोकांना या योजनेतून घर बनवण्यासाठी मदत करण्याचे केंद्र सरकारचे उद्दिष्ट आहे. मागील दहा वर्षात जवळपास ४.२१ कोटी घरे बनवण्यात आली आहे. या योजनेचा लाभ घेण्यासाठी पात्रता आणि अर्जप्रक्रिया काय ते जाणून घेऊया.

पीएम आवास योजनेअंतर्गत सरकार गरीब नागरिकांना घररे बांधण्यासाठी मदत करते. आतापर्यंत कोट्यवधी लोकांनी या योजनेचा लाभ घेतला आहे.

प्रधानमंत्री आवास योजनेचे प्रकार

प्रधानमंत्री आवास योजनेचे दोन प्रकार आहे. शहरी आणि ग्रामीण भागातील नागरिकांसाठी वेगवेगळी योजना आहे. प्रधानमंत्री आवास योजना ग्रामीण आणि प्रधानमंत्री आवास योजना शहरी अशा दोन योजने सुरु करण्यात आल्या आहेत.

पीएम आवास योजनेचे फायदे

• ज्या नागरिकांकडे स्वतः चे हक्काचे घर नाहीत ते लोक पीएम आवास योजनेचा लाभ घेऊ शकतात.

• जर एखाद्या व्यक्तीकडे जमीन आहे परंतु घर बांधण्यासाठी आर्थिकदृष्ट्या सक्षम नाही. अशा लोकांना घर बांधण्यासाठी आर्थिक मदत केली जाते.

• या योजनेअंतर्गत होम लोनवर सब्सिडी देण्यात येते. ही सब्सिडी नागरिकांच्या उत्पन्नावर आधारित असते.

• या योजनेअंतर्गत बँकाना कमी व्याजदरावर लोन देण्यासाठी प्रोत्साहन दिले जाते.

पात्रता

• या योजनेअंतर्गत अर्ज करणाऱ्या उमेदवाराचे वय १८ वर्षांपेक्षा जास्त असावे.

• अर्जदार हा भारतीय नागरिक असावा.

• प्रधानमंत्री योजनेअंतर्गत १८ लाखांचे वार्षिक उत्पन्न असणाऱ्या लोकांना मदत केली जाते.

• योजनेअंतर्गत अर्ज करणाऱ्या व्यक्तीकडे स्वतः चे पक्के घर नसावे.

• परिवारातील कोणताही सदस्य सरकारी नोकरीत नसावा. EWS प्रवर्गातील नागरिकांचे उत्पन्न ३ लाखांपेक्षा कमी असावे.

अर्ज कसा करावा

या योजनेअंतर्गत तुम्ही ऑनलाइन किंवा ऑफलाइन पद्धतीने अर्ज करु शकतात. ऑफलाइन पद्धतीने अर्ज करण्यासाठी तुम्हाला जवळच्या कॉमन सर्विस सेंटर (CSC) येथे जावे लागेल. ऑनलाइन पद्धतीने अर्ज करण्यासाठी https://pmayg.nic.in या वेबसाइटवरुन अर्ज करावा लागेल.