Petrol Diesel Price Today: 'या' शहरात पेट्रोल ₹८८.६६ तर डिझेल ८४.५६ रुपये; सरकारी कंपन्यांनी दर घटवले का?

Petrol diesel price today : आज सरकारी तेल कंपन्यांनी पेट्रोल आणि डिझेलचे नवे दर जाहीर केले असून कोणताही बदल करण्यात आलेला नाही. पोर्ट ब्लेअरमध्ये देशातील सर्वात स्वस्त पेट्रोल ₹88.66 आणि डिझेल ₹84.56 प्रति लिटर दराने उपलब्ध आहे.
PETROL DIESEL CNG PRICE TODAY:
PETROL DIESEL CNG PRICE TODAY: Saam Tv
Published On

देशातील सरकारी तेल कंपन्यांनी आजचे पेट्रोल आणि डिझेलचे ताजे दर जारी केले आहेत. आज रविवारी देशात इंधनाच्या किमतींमध्ये कोणताही बदल झालेला नाही. खाजगी क्षेत्रातील 'नायरा' कंपनीने चालू महिन्याच्या सुरुवातीला दरांमध्ये कपात केली असली, तरी सरकारी कंपन्यांच्या दरात आज कोणताही बदल झालेला नाही. दरम्यान, अंदमान-निकोबारमधील पोर्ट ब्लेअर येथे देशात सर्वात स्वस्त पेट्रोल-डिझेल मिळत आहे. येथे पेट्रोलची किंमत प्रति लीटर ८८.६६ रुपये इतकी आहे, तर डिझेल ८४.५६ रुपये प्रति लीटर दराने विकले जात आहे.

पोर्ट ब्लेअरमध्ये सर्वात स्वस्त पेट्रोल आणि डिझेल

देशातील ऑइल मार्केटिंग कंपन्या (OMCs) दररोज सकाळी ६ वाजता पेट्रोल-डिझेलचे नवे दर जाहीर करतात. आंतरराष्ट्रीय बाजारात कच्च्या तेलाच्या किमतीत होणाऱ्या चढ-उताराचा परिणाम स्थानिक दरांवर होत असतो. सध्या पोर्ट ब्लेअरमध्ये पेट्रोल आणि डिझेलचा भाव १०० रुपये प्रति लिटरपेक्षा खूपच कमी आहे.

दुसरीकडे, देशाची राजधानी दिल्लीत पेट्रोलचा भाव १०२.१२ रुपये आणि डिझेलचा भाव ९५.२० रुपये प्रति लिटर आहे. यापूर्वी मे महिन्यात पेट्रोल आणि डिझेलच्या दरात वाढ झाली होती, त्यावेळी तेल विपणन कंपन्यांनी चार वेळा भाववाढ केली होती.

PETROL DIESEL CNG PRICE TODAY:
केतन अग्रवाल हत्या प्रकरणात सर्वात मोठा खुलासा! सिया गोयलचे स्नॅपचॅट चॅटिंग व्हायरल; मेसेज वाचून अंगावर येईल काटा

देशातील प्रमुख शहरांमधील पेट्रोलचे दर (Petrol Prices Today):

पोर्ट ब्लेअर (देशात सर्वात स्वस्त): ८८.६६ रुपये

मुंबई: १११.२१ रुपये

नवी दिल्ली: १०२.१२ रुपये

कोलकाता: ११३.५१ रुपये

चेन्नई: १०७.७७ रुपये

बेंगळुरू: १११.६८ रुपये

हैदराबाद: ११५.६९ रुपये

पटना: ११३.६९ रुपये

जयपूर: ११३.१९ रुपये

लखनौ: १०१.८६ रुपये

नोएडा: १०१.९६ रुपये

गुरुग्राम: १०२.९७ रुपये

देशातील प्रमुख शहरांमधील डिझेलचे दर (Diesel Prices Today):

पोर्ट ब्लेअर: ८४.५६ रुपये

मुंबई: ९७.८३ रुपये

नवी दिल्ली: ९५.२० रुपये

कोलकाता: ९९.८२ रुपये

चेन्नई: ९९.५५ रुपये

बेंगळुरू: ९९.५६ रुपये

हैदराबाद: १०३.८२ रुपये

पटना: ९९.६७ रुपये

जयपूर: ९८.२५ रुपये

लखनौ: ९५.३६ रुपये

नोएडा: ९५.४४ रुपये

गुरुग्राम: ९५.६४ रुपये

PETROL DIESEL CNG PRICE TODAY:
Maharashtra Rain Alert: राज्यात पावसाचे तांडव! मुंबई-ठाण्यासह ४ जिल्ह्यांना 'रेड अलर्ट', ९ जिल्ह्यांमध्ये अतिमुसळधार

येत्या काही दिवसांत तेल स्वस्त होईल का? काय म्हणाले मंत्री?

केंद्रीय पेट्रोलियम मंत्री हरदीप सिंग पुरी यांनी पेट्रोल-डिझेलच्या दरांवरील एका प्रश्नाला उत्तर देताना महत्त्वाचे वक्तव्य केले आहे. ते म्हणाले की, "तेल विपणन कंपन्या सध्या जुन्या दरात खरेदी केलेल्या तेलावर प्रक्रिया करत आहेत. जोपर्यंत आंतरराष्ट्रीय बाजारपेठेत किमती पूर्णपणे स्थिर होत नाहीत, तोपर्यंत दरांमध्ये कपात होण्याची अपेक्षा करू नये."

इराण-अमेरिका-इस्रायल वादामुळे आंतरराष्ट्रीय बाजारात कच्च्या तेलाची (Crude Oil) किंमत प्रति बॅरल ११० डॉलरच्या पार गेली होती. ती आता पुन्हा प्रति बॅरल ७२-७३ डॉलरपर्यंत खाली आली आहे, मात्र तरीही भारतीय बाजारपेठेत पेट्रोल-डिझेलच्या किंमती जुन्याच पातळीवर स्थिर ठेवण्यात आल्या आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com