New Rules: कामाची बातमी! बँक, पेन्शन अन् आधारच्या नियमात बदल; तुम्हाला माहितच असायला हवे

आजपासून नोव्हेंबर महिना सुरु झाला आहे. नोव्हेंबर महिन्यात पैशांसंबंधित अनेक नियमांमध्ये बदल झाले आहेत. बँकेपासून ते पेन्शनच्या नियमांत बदल केले आहेत. रिझर्व्ह बँक आणि अर्थ मंत्रालयाचे नवीन नियम आज १ नोव्हेंबरपासून लागू झाले आहेत. यामुळे नागरिकांवर थेट परिणाम होणार आहे. त्यामुळे प्रत्येकाला हे नियम माहित असणे गरजेचे आहे.

१. बँक खात्यात चार नॉमिनी

आता ग्राहकांना बँक खात्यात चार नॉमिनी जोडता येणार आहे. याआधी फक्त एकच नॉमिनी जोडू शकत होता. यात क्रमवार पद्धतीने नॉमिन जोडू शकतात. यामध्ये तुम्हाला बँक लॉकरसाठी क्रमवार सुविधा मिळणार आहे.

२. स्टेट बँक क्रेडिट कार्ड

स्टेट बँकेने क्रेडिट कार्डवरील नियमांमध्ये बदल केले आहे. तुम्ही जर शाळा किंवा कॉलेजची फी थर्ड पार्टी अॅपद्वारे भरली तर तुम्हाला १ टक्के चार्ज द्यावा लागेल. तुम्ही अधिकृत वेबसाइट किंवा पीओएस मशीनद्वारे फी भरली तर कोणतेही पैसे द्यावे लागणार नाहीत. याचसोबत काही ठिकाणी जास्त वॉलेट टॉप अपवर १ टक्के शुल्क लागणार आहे.

३. युनिफाइड पेन्शन स्कीम (UPS)

केंद्र सरकारने युनिफाइड पेन्शन स्कीममधील अंतिम तारीख वाढवून दिली आहे. यासाठी ३० नोव्हेंबर २०२५ ही शेवटची तारीख आहे. याआधी ही तारीख ३० सप्टेंबर होती.

४. पेन्शनधारकांना जीवन प्रमाण पत्र

केंद्र सरकार आणि राज्य सरकारच्या पेन्शनधारकांना जीवन प्रमाणपत्र जमा करण्याची प्रक्रिया सुरु झाली आहे. तुम्हाला Jeevan Pramaan Portal किंवा बँक आणि पोस्टात जाऊन हे प्रमाणपत्र सबमिट करावे लागणार आहे.

५. आधार पॅन लिंक

आता आधार-पॅन कार्ड लिंक करण्याची मुदत वाढवून देण्यात आली आहे. आता तुम्ही ३१ डिसेंबर २०२५ पर्यंत आधार पॅन कार्ड लिंक करु शकतात. हे काम खूप महत्त्वाचे आहे.