Tax Refund: कामाची बातमी! आता उशिरा आयटीआर भरला तरीही मिळणार रिफंड; सरकारचा मोठा निर्णय

करदात्यांसाठी अत्यंत महत्त्वाची बातमी आहे. नुकतेच नवीन आयकर विधेयक मंजूर झाले. यामध्ये करदात्यांसाठी अनेक महत्त्वाचे बदल करण्यात आले आहे. या बदलांमुळे थेट करदात्यांना फायदा होणार आहे. या नवीन आयकर विधेयकात संसदीय समितीने २८५ सुधारणा करण्याचा सल्ला दिला होता. त्यानंतर करदात्यांचा विचार करुन अनेक सवलती मंजुर झाल्या आहेत.

१ एप्रिलपासून लागू होणार नवीन आयकर नियम

भाजप खासदार बैजयंत पांडा यांच्या अध्यक्षतेखाली ३१ सदस्यांची समिती स्थापन करण्यात आला. या समितीने २१ जुलै रोजी शिफारसी सादर केल्या. सरकरने ११ ऑगस्ट रोजी यामध्ये काही सुधारणा करुन आयकर विधेयक सादर केले. त्यानुसार हा नवीन कायदा १ एप्रिल २०२६ पासून लागू होणार आहे.

मुदतीनंतरही आयटीआर फाइल केल्यावर मिळणार परतावा (Now You File ITR After Deadline)

नवीन आयकर विधेयकानुसार, आयटीआर रिट्न मूदतीनंतर फाइल केला तरीही तुम्हाला परतावा मिळणार आहे. म्हणजेच ज्या कर्मचाऱ्यांनी शेवटची तारीख उलटून गेल्यावर रिटर्न फाइल केला आहे त्यांना रिफंडचे पैसे मिळणार आहेत.करदात्यांच्या हितासाठी हा मोठा निर्णय घेण्यात आला आहे.

नवीन नियम काय सांगतो? (What is New Income Tax Bill)

सध्या आयटीआर फाइल करण्याची शेवटची तारीख १५ सप्टेंबर आहे. त्यानंतरही तुम्हाला आयकर रिटर्न भरण्याची परवानगी आहे. याला बिलेटेड आयटीआर म्हणतात. फक्त तुम्हाला दंड आणि करावरील व्याज भरावे लागते. या नवीन विधेयकानुसार, उशिरा रिटर्न भरणाऱ्यांनाही परतावा मिळणार आहे, अशी तरतूद करण्यात आली आहे.