Namo Shetkari Yojana: महाराष्ट्रात दुष्काळी परिस्थिती निर्माण झाल्यामुळे शेतकऱ्यांना दिवाळीआधी ५ हजार रुपयांची मदत देण्याची घोषणा करण्यात आली आहे. मात्र, दुसरीकडे नमो शेतकरी महासन्मान निधी योजनेचे दोन हप्ते अजून रखडलेले असल्याने शेतकऱ्यांमध्ये नाराजी व्यक्त केली जातेय. दु्ष्काळी मदत जाहीर झाली, मग योजनेचे थकीत पैसे कधी मिळणार, असा प्रश्न उपस्थित होतोय.
महाराष्ट्र सरकारच्या नमो शेतकरी महासन्मान निधी योजनेंतर्गत पात्र शेतकऱ्यांना वर्षाला ६ हजार रुपये दिले जातात. केंद्र सरकारच्या पीएम किसान सन्मान निधी योजनेतूनही वर्षाला ६ हजार रुपये मिळतात. त्यामुळे पात्र शेतकऱ्यांना दोन्ही योजनांमधून एकूण १२ हजार रुपयांची मदत मिळते. नमो शेतकरी योजनेची रक्कम प्रत्येकी २ हजार रुपयांच्या तीन हप्त्यांत दिली जाते.
नमो शेतकरी योजनेचा आठवा हप्ता मार्च २०२६ मध्ये वितरित करण्यात आला होता. त्यावेळी ८९ लाख ७५ हजार २९८ शेतकऱ्यांच्या खात्यांवर एकूण १,७९८.७८ कोटी रुपये जमा करण्यात आले होते. मात्र, उपलब्ध माहितीनुसार नवव्या आणि दहाव्या हप्त्याचे प्रत्येकी २ हजार रुपये असे एकूण ४ हजार रुपये रखडलेले आहेत. नववा हप्ता डिसेंबर २०२५ ते २०२६ या कालावधीसाठी, तर दहावा हप्ता एप्रिल ते जुलै २०२६ या कालावधीसाठी आहे.
पीएम किसान योजनेचे पैसे नियमित मिळत असताना नमो शेतकरी योजनेचे हप्ते रखडल्यामुळे शेतकऱ्यांकडून नाराजी व्यक्त केली जातेय.
दुष्काळी मदतीची घोषणा झाली असली, तरी रखडलेले हप्ते कधी जमा होणार, याबाबत अधिकृत तारीख जाहीर झाल्याची माहिती उपलब्ध नाही. त्यामुळे शेतकऱ्यांनी शासनाच्या अधिकृत घोषणेकडे लक्ष ठेवणं आवश्यक आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.