Ladki bahin yojana : लाडकीचं टेन्शन वाढणार; अपात्र लाडकीचे 'लाड' थांबवणार, वाचा स्पेशल रिपोर्ट

Ladki bahin yojana update : अपात्र लाडक्या बहिणींच्या अर्जांच्या तपासणीसाठी सरकारनं एक युक्ती अवलंबण्याचा निर्णय घेतलाय. त्यामुळे राज्यभरातील लाभार्थ्याचं टेन्शन वाढणार आहे ? ते कसं पाहूयात या स्पेशल रिपोर्टमधून...
ladki bahin yojana
Ladki Bahin YojanaSaam tv
Published On

सुप्रीम मस्कर, साम टीव्ही

महायुती सरकारनं सत्तेत आल्यानंतर बोगस लाडक्या बहिणींना अपात्र करण्याचा सपाटाच लावला.. त्यातच आता सरकारनं लाभार्थ्यांच्या व्यापक पडताळणीसाठी नवी युक्ती अवलंबण्याचा निर्णय घेतलाय. यासाठी सरकारकडून आयकर रिटर्न डेटाचा वापर केला जाणारेय.

महिला आणि बालकल्याण विभागाच्या सचिवांना आयकर कायद्याच्या कलम 138 अंतर्गत IT डेटा मिळवण्याची परवानगी देण्यात आली आहे. विभागाने सध्या 2.52 कोटी अर्जांची यादी तपासण्यासाठी विशेष समिती नेमली आहे. याअंतर्गत कर भरणाऱ्या किंवा सरकारी नोकरीत असलेल्या कुटुंबातील महिलांचे अर्ज अपात्र ठरवले जातील. इन्कम टॅक्सकडील माहितीवरून अडीच लाखांपेक्षा जास्त उत्पन्न असलेल्या 50 लाखांहून अधिक महिला अपात्र ठरतील, अशी शक्यता आहे. मात्र याआधी कोणत्या कारणांमुळे लाडकींना अपात्र ठरवण्यात आले होते. पाहूयात...

ladki bahin yojana
Maharashtra Politics : जोरात मिळवुया हात; मनसे-ठाकरे गटाच्या नेत्याची हातमिळवणी, नेमकं काय घडलं? पाहा व्हिडिओ

लाडकी का ठरली 'अपात्र'?

संजय गांधी निराधार योजनेच्या लाभार्थी 2.30 लाख महिला अपात्र

वय 65 वर्षांहून अधिक असल्याने 1.10 लाख महिला अपात्र

चारचाकी वाहनं असल्यामुळे 1.60 लाख महिला अपात्र

नमो शेतकरी योजनेच्या लाभार्थी असल्याने 7.70 लाख महिला अपात्र

सरकारी सेवेत कार्यरत असल्याने 2,652 महिला अपात्र

ladki bahin yojana
Ladki Bahin Yojana :...म्हणून लाडकी बहीण योजना सुरु केली; बच्चू कडू यांनी डागली महायुतीवर तोफ

योजनेच्या घोषणेनंतर सुमारे दोन कोटी 65 लाख लाभार्थी महिलांनी लाडकीसाठी नोंदणी केली होती. त्यापैकी अडीच कोटी लाडक्या बहिणींच्या बँक खात्यात दरमहा 1500 रुपये जमा होत आहेत. या योजनेच्या सर्व अटी व शर्ती बघितल्यास राज्यभरातून साधारण एक कोटी 20 लाख महिलाच योजनेसाठी पात्र ठरण्याची शक्यता आहे. IT रिटर्न चेक केल्यानंतर अपात्र लाडकींची संख्या वाढणार, हे निश्चित.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com