Ladki Bahin Yojana: ६५ वर्षांवरील अन् २१ वर्षांपेक्षा कमी वयोगटातील महिलांनी घेतला लाडकी बहीण योजनेचा लाभ; या जिल्ह्यातील ९८ हजार महिलांची पडताळणी होणार

लाडकी बहीण योजनेच्या लाभार्थ्यांसाठी अत्यंत महत्त्वाची बातमी आहे. लाडकी बहीण योजनेत महिलांना ई केवायसी करणे अनिवार्य केले होते. यासाठी ३१ डिसेंबरपर्यंतची मुदत होतील. दरम्यान, अनेकांनी चुकीची माहिती दिल्याने केवायसीमध्ये अडचणी येत आहे. दरम्यान, आता याचसोबत अनेक लाभार्थी निकषात न बसल्याची माहिती समोर आली आहे.

लाडकी बहीण योजनेत सोलापूरातील ९८ हजार महिलांची केवायसीमध्ये माहिती चुकल्याची माहिती समोर आली आहे. त्यांचा लाभ बंद झाला आहे. परंतु या महिलांची प्रत्यक्ष पडताळणी केली जाणार आहे. याचसोबत दुसरीकडे १९ हजार महिला निकषात न बसल्याची शासन यादी प्राप्त झाली आहे. शासन यादीतील सर्व महिलांची पुन्हा पडताळणी केली जाणार आहे.

लाडकी बहीण योजनेत महिलांची केवायसी करताना चुकीची माहिती दिली आहे. यानंतर अंगणवाडी सेविका घरोघरी जाऊन महिलांची पडताळणी करणार आहे. यासाठी जिल्हास्तरावरुन गावागावात अंगणवाडी सेविकांसाठी महिलांची यादी पाठवण्यात आली आहे. या महिलांच्या घरोघरी जाऊन आता पडताळणी करणार आहेत.

लाडकी बहीण योजनेचा लाभ घेण्यासाठी २१ ते ६५ वयोगटातील महिला लाभ घेऊ शकतात. वार्षिक उत्पन्न अडीच लाखांपेक्षा कमी असावे. दरम्यान, सोलापूर जिल्ह्यातील १५ हजार ५३० लाडक्या बहि‍णींचे वय ६५ वर्षांपेक्षा जास्त आहे. २१ वर्षांपेक्षा कमी वयोगटातील २८२ मुलींनी योजनेचा लाभ घेतला आहे. दरम्यान, या महिलांची तपासणी केली जाणार असून अपात्र महिलांना योजनेतून बाद करण्यात आले आहे.