Ladki Bahin Yojana: लाडक्या बहि‍णींना जुलैचे १५०० आले नाहीत? ही ७ कारणे असू शकतात

मुख्यमंत्री माझी लाडकी बहीण योजनेत लाभार्थ्यांना जुलैचा हप्ता मिळाला आहे. परंतु अनेक महिलांना जुलैचा हप्ता मिळालेला नाही. लाडकी बहीण योजनेत महिलांना दर महिन्याला १५०० रुपये मिळतात. आता महिलांना १३ वा हप्ता मिळालेला आहे. दरम्यान, ज्या महिलांना अजून लाडकी बहीण योजनेचा हप्ता मिळाला नाही त्यामागे काही कारणे असू शकतात. यामागे काय कारणे असतील ते जाणून घ्या.

जुलैचा हप्ता न मिळण्याची कारणे (Reasons for Not Receiving the July Installment of Ladki Bahin Yojana)

महाराष्ट्राची रहिवासी

महिला ही महाराष्ट्राची रहिवासी असणे अनिवार्य आहे.

वयोमर्यादा

२१ ते ६५ वयोगटातील महिला या योजनेचा लाभ घेऊ शकतात. या वयोगटापेक्षा जास्त वयाच्या महिलांनी लाभ घेतला तर त्यांचे अर्ज बाद केले जातील.

कुटुंबाचे वार्षिक उत्पन्न

कुटुंबाचे उत्पन्न २.५ लाखांपेक्षा कमी असावे. जर तुमचे उत्पन्न २.५ लाखांपेक्षा जास्त असेल तर तुम्हाला पैसे मिळणार नाहीत.

सरकारी नोकरदार

सरकारी नोकरी असलेल्या महिलांना या योजनेचा लाभ मिळणार नाहीये.

इतर सरकारी योजनांचा लाभ

जर महिला इतर योजनांचा लाभ घेत असतील तर त्यांना या योजनेचा लाभ मिळणार नाही.

राजकीय कुटुंब

राजकीय कुटुंबातील सध्याचे किंवा माजी आमदार, खासदार असल्यास त्यांना योजनेचा लाभ मिळणार नाही.

चारचाकी वाहन

जर कुटुंबात चारचाकी वाहन असेल तर त्यांना योजनेचा लाभ मिळणार नाही. यामध्ये ट्रॅक्टरचा समावेश नाही.

ऑगस्टचा हप्ता कधी मिळणार? (Ladki Bahin Yojana August Installment Update)

लाडक्या बहिणींना जुलैचा हप्ता मिळाला आहे. त्यानंतर आता ऑगस्टचा हप्ता कधी मिळणार याकडे सर्वांचेच लक्ष आहे. ऑगस्टच्या शेवटच्या दोन आठवड्यात किंवा सणासुदीच्या दिवशी मिळणार आहे. परंतु याबाबत कोणतीही अधिकृत माहिती समोर आलेली नाही.