Ladki Bahin Yojana: या महिलांच्या खात्यात ₹१५०० येणार नाहीत; अजित पवारांनी सांगितलं कारण

लाडकी बहीण योजनेच्या लाभार्थ्यांसाठी मोठी बातमी आहे. लाडकी बहीण योजनेचा सप्टेंबरचा हप्ता लवकरच येणार आहे. यासाठी निधी वितरीत करण्यात आला आहे. दरम्यान, आता लाडकी बहीण योजनेच्या सप्टेंबरच्या हप्त्याबाबत अजित पवारांनी मोठी प्रतिक्रिया दिली आहे. आता फक्त पात्र लाभार्थ्यांनाच लाडकी बहीण योजनेचे पैसे देणार आहेत.

अजित पवार काय म्हणाले? (Ajit Pawar On Ladki Bahin Yojana)

अजित पवारांनी सांगितलंय की, आता फक्त सप्टेंबरचा हप्ता लाभार्थ्यांना मिळणार आहे. त्यासाठी केवायसी प्रक्रिया पूर्ण करावी लागणार आहे. केवायसीची मूदत वाढवून दिली जाईल, परंतु केवायसी करावी लागणारच आहे. त्यामुळे आता सर्व लाभार्थी महिलांना केवायसी करावीच लागणार आहे. केवायसी केल्यानंतरच महिलांना पुढचा हप्ता मिळणार आहे.

सप्टेंबरचा हप्ता कधी मिळणार? (Ladki Bahin Yojana September Installment Date )

लाडकी बहीण योजनेच्या लाभार्थ्यांसाठी खुशखबर दिली आहे. आता आजपासून महिलांच्या खात्यात १५०० रुपये दिले जाणार आहे. आदिती तटकरेंनी याबाबत ट्विट करत माहिती दिली आहे. पुढील दोन ते तीन दिवसांत महिलांच्या खात्यात पैसे जमा केले जाणार आहे. दिवाळीच्या आधी महिलांच्या खात्यात पैसे जमा केले जाणार आहे त्यामुळे लाडक्या बहि‍णींची दिवाळी गोड होणार आहे.

केवायसी कशी करावी? (Ladki Bahin Yojana KYC Process)

लाडकी बहीण योजनेची केवायसीची प्रोसेस ऑनलाइन होणार आहे. तुम्हाला अधिकृत वेबसाइटवर जाऊन केवायसी करायची आहे. तुम्हाला वेबसाइटवर जाऊन तुमचे आधार कार्ड, रेशन कार्ड आणि इतर कागदपत्रे अपलोड करावे लागतील. यानंतर तुम्हाला आधार नंबरशी लिंक असलेल्या नंबरवर ओटीपी टाकावा लागेल. त्यानंतर तुमची केवायसी पूर्ण होणार आहे.