Ladki Bahin Yojana: उरले शेवटचे ४ दिवस!लाडक्या बहि‍णींना जानेवारीचे ₹१५०० कधी येणार? तारीख आली समोर

जानेवारी महिना संपत आला आहे. जानेवारीच्या महिन्याचा शेवटचा आठवडा सुरु झाला तरीही महिलांना अजूनही हप्ता मिळालेला नाही. लाडकी बहीण योजनेत महिलांच्या खात्यात जानेवारीचे पैसे जमा झालेले नाहीत. दरम्यान, हा हप्ता पुढच्या म्हणजेच फेब्रुवारी महिन्यात येणार असल्याचे बोलले जात आहे. जिल्हा परिषद निवडणुकीआधी महिलांच्या खात्यात पैसे येऊ शकतात.

या दिवशी खात्यात जानेवारीचा हप्ता येण्याची शक्यता

लाडकी बहीण योजनेत डिसेंबरचा हप्तादेखील उशिरा देण्यात आला होता. जानेवारीचा हप्तादेखील उशिरा येणार आहे. जानेवारी महिन्यात तर पैसे येण्याची शक्यता फार कमी आहे. फेब्रुवारीच्या पहिल्या आठवड्यात महिलांच्या खात्यात पैसे जमा होण्याची शक्यता वर्तवली जात आहे. दरम्यान, अजूनही याबाबत कोणतीही अधिकृत माहिती समोर आलेली नाही. लवकरच याबाबत घोषणा केली जाईल.

या तारखेला खात्यात जमा होतील ₹१५००

राज्यातील जिल्हा परिषद निवडणुका या ५ फेब्रुवारी रोजी होणार आहे. जिल्हा परिषद आणि पंचायत समिती निवडणुकीच्या मतदानाआधीच महिलांच्या खात्यात पैसे जमा केले जाऊ शकतात. याआधीही महापालिका निवडणुकीआधी महिलांच्या खात्यात पैसे जमा झाले होते. त्यामुळे सरकार निवडणुकीच्या आधी खात्यात पैसे जमा करु शकतात.

लाडकीला केवायसीसाठी मुदतवाढ

लाडकी बहीण योजनेत महिलांच्या केवायसीमध्ये अनेक अडचणी समोर आल्या आहेत. केवायसी करताना अडचणी आल्याने महिलांच्या खात्यात पैसे जमा झालेले नाहीत. दरम्यान, आता महिलांची प्रत्यक्ष केवायसी केली जाणार आहे. महिलांच्या घरोघरी जाऊन अंगणवाडी सेविका पडताळणी करणार आहेत.