Ladki Bahin Yojana: ८६ लाख लाडक्या बहिणींना मिळाला नाही जानेवारीचा हप्ता; ₹१५०० न येण्यामागचं कारण काय?

लाडकी बहीण योजनेच्या लाभार्थ्यांसाठी महत्त्वाची बातमी आहे. लाडकी बहीण योजनेत महिलांच्या खात्यात जानेवारीचा हप्ता जमा झालेला आहे. सर्व महिलांच्या खात्यात पैसे जमा झालेले नाहीत. लाखो महिलांचे अर्ज बाद करण्यात आले आहेत. त्यामुळे योजनेचा लाभ मिळाला नाही. तुम्हाला पैसे आले की नाही हे जाणून घ्या.

८६ लाख महिलांचे अर्ज बाद

लाडकी बहीण योजनेत ८६ लाख महिलांचे अर्ज बाद करण्यात आले आहेत. महिलांना ई केवायसी करणे अनिवार्य केले होते. दरम्यान, जवळपास लाखो महिलांनी केवायसी केले नाही. याचसोबत अनेक महिलांनी केवायसीमध्ये चुका केल्या आहेत. त्यांनाही जानेवारीचा हप्ता मिळालेला नाही.

लाडकी बहीण योजनेत केवायसी करणे बंधनकारक होते. एकूण २ कोटी ४० लाख महिला लाभार्थी होत्या. त्यातील १ लाख ६० हजार महिलांना हप्ता मिळाला आहे. जवळपास ८६ लाख महिलांचा हप्ता थांबला आहे.यातील अनेक महिलांनी केवायसी केले नाही तर अनेक महिलांनी चुकीची माहिती दिल्याने जानेवारीचा हप्ता मिळालेला नाही.

लाडकी बहीण योजनेत महिलांना केवायसीमध्ये दुरुस्ती करण्यासाठी ३१ मार्चपर्यंत मुदत देण्यात आली आहे. तोपर्यंत आता राहिलेल्या महिलांनी केवायसीमध्ये दुरुस्ती करायची आहे. दुरुस्ती केल्यानंतर त्यांना योजनेचा लाभ पुन्हा सुरु होणार आहे. रखडलेले हप्ते एकत्र दिले जाणार आहेत. एप्रिल महिन्यापासून महिलांना सर्व रखडलेले हप्ते एकत्र मिळू शकतात. चार महिन्याचे पैसे महिलांना एकत्र मिळू शकतात.