Ladki Bahin Yojana: लाडक्या बहिणींना भाऊबीजेची ओवळणी; महिलांच्या खात्यात चौथा हप्ता जमा होण्यास सुरुवात

Ladki Bahin Yojana Updates: राज्य सरकारने महिलांसाठी लाडकी बहीण योजना सुरु केली आहे. लाडकी बहीण योजनेअंतर्गत महिलांना दर महिन्याला १५०० रुपये दिले जातात. वर्षाला १८००० रुपये महिलांच्या खात्यात जमा होणार आहे. आतापर्यंत महिलांच्या जुलै, ऑगस्ट आणि सप्टेंबर महिन्याचे हप्ते जमा झाले आहे. त्यानंतर आता चौथा हप्तादेखील जमा होण्यास सुरुवात झाली आहे.

मुख्यमंत्री माझी लाडकी बहीण योजनेअंतर्गत महिलांना तीन हप्त्याचे ४५०० रुपये देण्यात आले आहे. त्यानंतर आता महिलांना ३००० रुपये देण्यात आले आहे. लाडकी बहीण योजनेअंतर्गत चौथा आणि पाचवा हप्ता अॅडव्हान्समध्ये देण्यात आला आहे.(Ladki Bahin Yojana)

लाडकी बहीण योजनेत ऑक्टोबर आणि नोव्हेंबर महिन्याचे पैसे म्हणजेच ३००० रुपये महिलांच्या अकाउंटला पाठवण्यास सुरुवात झाली आहे.१० ऑक्टोबरपूर्वी महिलांना हे पैसे देण्यात येत आहे.

जुलै ते सप्टेंबर या तीन महिन्यांचा हप्ता आल्यानंतर आता ऑक्टोबर आणि नोव्हेंबर महिन्याचे पैसेदेखील येण्यास सुरुवात झाली आहे. त्यामुळे लाडक्या बहि‍णींना दिवाळीपू्र्वीच भाऊबीजेची ओवाळणी मिळाली असल्याचे बोलले जात आहे.

लाडकी बहीण योजनेचे पैसे आलेत की नाही

जर तुमचे बँक खाते आणि आधार कार्ड लिंक असेल तरच तुमच्या अकाउंटला पैसे येणार आहेत. जर तुमचे बँक खाते आधार कार्डशी लिंक नसेल तर लगेच बँकेत जाऊन करुन घ्या. त्यानंतर तुमच्या अकाउंटला पैसे येतील. तुम्ही तुमच्या ऑनलाइन बँकिंग अॅपवर पैसे आलेत की ते चेक करु शकतात. तसेच तुम्ही बँकेत किंवा पोस्टात जाऊन पैसे आलेत की याबाबत माहिती मिळवू शकतात. लाडकी बहीण योजनेचे पैसे जमा झाल्यानंतर तुम्हाला मेसेज येतो. (Ladki Bahin Yojana)