Jio New Recharge Plan: भन्नाट ऑफर! १०० रुपयांत मिळणार हजारो रुपयांचे फायदे; डेटा, मनोरंजन आणि अतिरिक्त ऑफर्स फ्री

रिलायन्स जिओने आपल्या ग्राहकांसाठी खास ऑफर म्हणून केवळ १०० रुपयांचा नवीन प्रीपेड प्लॅन सादर केला आहे. हा प्लॅन देशभरात उपलब्ध असून तो कंपनीच्या ९ व्या वर्धापनदिनाचे औचित्य साधून "सेलिब्रेशन अ‍ॅड-ऑन पॅक" म्हणून लाँच करण्यात आला आहे. या पॅकमध्ये ३० दिवसांच्या कालावधीसाठी ५ जीबी डेटा मिळतो. ठरवलेली डेटा मर्यादा संपल्यानंतर ग्राहक इंटरनेटचा वापर करू शकतात. परंतु त्याचा स्पीड ६४ केबीपीएसवर मर्यादित राहील.

या पॅकची खासियत म्हणजे यात जिओहॉटस्टार मोबाईल किंवा टीव्हीचे ३० दिवसांचे सबस्क्रिप्शन समाविष्ट आहे. त्यामुळे ग्राहकांना केवळ डेटा मर्यादेपूरते फायदे मिळत नाहीत, तर मनोरंजनासाठी अतिरिक्त पर्याय देखील मिळतात. याशिवाय, कंपनीने या पॅकसोबत एकापेक्षा अधिक आकर्षक ऑफर्स दिल्या आहेत. जिओ गोल्ड सेवेत २% अतिरिक्त फायदा, नवीन कनेक्शनवर JioHome ची दोन महिन्यांची मोफत चाचणी, तर रिलायन्स डिजिटलमध्ये निवडक इलेक्ट्रॉनिक उत्पादनांवर ३९९ रुपयांपर्यंत सूट ग्राहक मिळवू शकतात. त्याचप्रमाणे अजिओवर १००० रुपयांहून अधिक खरेदी केल्यास २०० रुपयांची सूट मिळणार आहे.

मनोरंजन आणि जीवनशैली सेवा यामध्येही कंपनीने विविध फायदे दिले आहेत. झोमॅटो गोल्डचे तीन महिने, JioSaavn Pro चे एका महिन्यासाठी मोफत सबस्क्रिप्शन, तर Netmeds वर सहा महिन्यांची पहिली सदस्यता दिली जाणार आहे. EaseMyTrip द्वारे बुक केलेल्या देशांतर्गत फ्लाईट्सवर २२२० रुपयांपर्यंत आणि हॉटेल बुकिंगवर १५ टक्क्यांपर्यंत सूटदेखील या पॅकमुळे मिळू शकते.

जिओचा हा प्लॅन डेटा व्हाउचर म्हणून सादर करण्यात आला असून तो ग्राहकांना तुलनेने कमी किमतीत मर्यादित डेटा वापरासोबत ओटीटी सबस्क्रिप्शन आणि अनेक ऑफर्स देतो. कंपनी आधीपासूनच जिओहॉटस्टार फायदे असलेले दोन आणखी प्रीपेड पॅक ₹१९५ आणि ₹९४९ किंमतीत पुरवत आहे. नवीन १०० रुपयांचा हा पॅक जिओच्या अधिकृत वेबसाइटवर आणि मायजिओ अ‍ॅपवर उपलब्ध करण्यात आला आहे.