भाऊबीजेच्या दिवशी सोन्याला ओवाळणी, चांदी रूसली, सुवर्णनगरीत १ तोळ्याला किती भाव? जाणून घ्या

गेल्या काही दिवसांपासून सोन्याच्या दरात चढ उतार पाहायला मिळत आहे. धनत्रयोदशीला सोन्याच्या दरात कमालीची घट झाली. सलग दुसऱ्या दिवशी सोन्याच्या दरात घसरण झाली. मात्र, आज सुवर्णनगरीत सोन्याच्या दरात वाढ झाली आहे. जळगावच्या सराफा बाजारात सोन्याच्या दरात वाढ झाली आहे. तर, चांदीच्या दरात घसरण झाली आहे.

आज २३ ऑक्टोबर २०२५. जळगावच्या सुवर्णनगरीत सोन्याच्या भावात तेजी पाहायला मिळत आहे. तर, चांदीच्या दरात घसरण झाली आहे. २४ कॅरेट १ तोळं सोन्याच्या दरात १००० रूपयांची वाढ झाली आहे. १० ग्रॅम सोनं खरेदी करण्यासाठी आपल्याला १,२७,००० रूपये मोजावे लागतील.

सोन्याच्या दरात तेजी तर, चांदीच्या दरात घसरण झाली असल्याचं पाहायला मिळत आहे. चांदीच्या दरात ७००० रूपयांची घसरण झाली आहे. १ किलो चांदी खरेदीसाठी आपल्याला १,६२,७४० रूपये मोजावे लागतील.

दीपावलीच्या पार्श्वभूमीवर सुवर्णगिरीत नागरिकांची मोठी गर्दी पाहायला मिळत आहे. दरांमध्ये सतत होणाऱ्या चढ-उतारांनंतरही उत्सवी वातावरणामुळे लोकांमध्ये सोने-चांदी खरेदीची उत्सुकता कायम आहे.गेल्या काही दिवसांत आंतरराष्ट्रीय बाजारात सोन्याच्या दरात सातत्याने वाढ होत आहे.डॉलरच्या तुलनेत रुपया कमजोर झाल्याने आणि गुंतवणूकदार सुरक्षित पर्याय म्हणून सोन्याकडे वळत असल्याने दरात वाढ होत असल्याचे तज्ज्ञांचे मत आहे.

चांदीच्या दरातील घसरण मात्र औद्योगिक मागणी कमी झाल्यामुळे झाल्याचे सांगितले जात आहे. तरीदेखील पारंपरिक दृष्ट्या शुभ मानली जाणारी भाऊबीज आणि त्यानंतरचा लग्नसराईचा हंगाम यामुळे स्थानिक बाजारपेठेत व्यवहार वाढलेले दिसत आहेत.

“दरांमध्ये चढ-उतार असले तरी ग्राहकांचा प्रतिसाद उत्साहवर्धक आहे. लोक सणासुदीच्या निमित्ताने दागदागिने आणि नाणी खरेदी करत आहेत. एकंदरीत, दरातील वाढ-घसरणीच्या पार्श्वभूमीवरही जळगावच्या सुवर्णगिरीत भाऊबीज सणाने सुवर्णमय वातावरण निर्माण केले आहे.